2017/04/26

娶國貨,唔係無原因

2017_04_26_ Gigi menclub column 2
 
2017_04_26_ Gigi menclub column
 
網上資料圖片
 
話說本人都有好多內地嘅女仔朋友,依家香港地男少女多,男人唔怕娶唔到老婆,得班港女(即係我呢啲)怕嫁唔出㗎啫。一直以來,好多人都會將香港同國內嘅女士們比較一番。咁啱呢排城城娶老婆,大把人眼紅,仲將佢改名做國貨城。又話佢婚禮好寒酸,唔夠豪華。
 
其實國內女士優勢最明顯必定係大家都知嘅「溫柔」,用普通話表達港女要講嘅同一句嘢,個態度同文字方面,真係差天共地。例如,女人想表示唔好,廣東話:「梗係唔得啦!」(爭在未加句:痴線㗎你?」但係,國內女士就會好溫柔咁表示:「耶,親,我不要啦!耶!」仲細細力咁挨過來輕輕撞一吓你手臂。
 
大家係咪仲停留喺以往國內女人嗰種好cheap、呃男人錢、出賣肉體、無知識得個body個階段?
 
其實港女新一輩嘅對手,已經完全唔同晒,而家國內年輕女仔讀書唔少,識打扮,出國留學多不勝數,大把港仔留學時識到國內女同學然後拉埋天窗。
 
國內女仔贏溫柔之外,仲贏埋忍得,即使每個女人嫁到鑽石級老公時,其實係女人都好想威到盡,但你睇城城婚禮,簡簡單單,唔鋪張,咁就夠啦!咁即係新娘子表示滿意先咁安排㗎喎,咁城城角度,已經唔可以話佢貪城城錢啦!唔理係真情定假意,咁樣嘅門面我覺得反而嬴咗。結婚咁重要都唔洗鋪張,家燕媽媽娶新抱都預100圍啦!仲有,眼利嘅網民話女主角手上得兩對龍鳳鈪,咁如果城城真係鍾意佢唔係求財,咁係好配合到成個故事。
 
再者,城城咁有market,佢要結婚,搵後生女有咩問題?佢搵到個四十幾歲又未嫁過嘅女人就嚇親你啦!係男人都鍾意後生女,眼紅人又要笑人娶國貨嘅人,算吧啦!俾你識到城城呢個級數,你唔仆倒去咩?
 
時而勢逆,你諗人哋國內女人陰謀論,但港男咪又係覺得港女自視過高。假如個個女人背後心態都係求財,點解男人唔娶個溫柔,又忍得到嘅女人呢?
 
羅碧芝 Facebook Page
www.fb.com/gigilawpg
IG: gigilaw1113

COMMENT