2018/08/03

坐車變打交,公共交通工具最怕……

images-1
網上資料圖片
 
香港地人多車多,加上天氣熱,大家都熱到心火盛,坐公共交通工具時,成日都見到有人起爭執。有時都唔知發生咩事,無啦啦就會愈嘈愈勁,然後仲開埋拖!
 
大家都知香港地秒秒幾百萬上落,有單咁嘅嘢發生時,實搞到遲晒大到,最慘係一定有人拍片,入到鏡都笑死班老友啦!
 
其實搭親車最怕唔係迫,因為如果勁迫嘅情況都係地鐵,捱一兩個站就會有空間,多數都係金鐘關,捱一下俾少少耐性就會鬆動少少。所以迫都無計,唯有忍耐!
 
坐親車,我反而最怕係遇上完全唔理人感受嘅人,例如坐落你隔離,一嘢撞埋嚟又唔道歉,最煩個袋整到人又唔知!勁霸道!然後抱住細路又唔理,等個小朋友踩到人或整到人!一次都算,自己掛住講電話,甚至覺得,大人一定要體諒細路仔嘅,都大把!所以每日喺各大車箱發生咁多衝突,都係因為香港太多唔知咩人出現,唔理人感受,自私到爆咁整到人又扮無事,打交好似變咗解決呢班人嘅唯一方法!真係好可悲!
 
至於,有種事,更難頂你都唔可以打人,就係熱到爆時遇到勁臭嘅狐仙、死要坐車講電話但口部發出極大酸味嘅臭口人、個頭懷疑十年無洗充滿厚厚頭油嘅臭頭人。每當面對呢類人士坐附近,如有位轉一定轉,即走!但無嘅話真係即時香味紙巾加口罩,否則一定「暈車浪」嘔到四圍係就唔好啦!哈哈!
 
羅碧芝 Facebook Page
www.fb.com/gigilawpg
IG: gigilaw1113

COMMENT