2017年07月18日

【日本冷知識】十件去日本前不可不知道的豆知識!

 

咩野係豆知識?雜學又係咩?
對於日本人黎講,所謂既「豆知識」就係佢地口中既「雜學」,指既就係係生活中瑣碎既小事,依的睇上去好似沒咩實際用處既知識,但當你唔知道既時候就好可能造成生活上好大既不便。

 

 

1. 千萬不要在便利店及自動售賣機購買飲品!

去旅行日行夜行,口渴當然在所難免,但記住儘量唔好光顧便利店及自動售賣機購買飲品,可以既話請選擇係超市購買。可能你會覺得這是正常常識吧?!但要知道在日本超市的飲品價格都係平過外面購買的,有些品牌更誇張到便宜一半以上!!這是小弟日本讀書個陣,日本朋友提醒我。

 

2. 日本很難找到垃圾桶!

係日本當你想掉垃圾既時候,唔好以為以為好易搵垃圾桶,因為日本的垃圾桶係少得可憐!據聞係日本政府,為左減少多餘垃圾而設立嘅政策,但佢地既國民又OK喎(因為日本人真係會十分自律,會把垃圾拎返屋企先掉)。所以如果經過便利店或餐廳吃飯後就馬上掉好了。

 

3. 在外吃飯後要說一句???

在日本食飯時候,為什麼總會聽到旁邊日本人離開時會大聲講一句你聽唔明的日文?其實意思是「多謝款待」「ごちそうさま」。原因是日本人太過有禮貌,就算出外用膳而明明要自己付款時,佢地始終覺得是別人落力煮食物給你,所以禮貌上面都會講多句。我地係日本食完飯既時候,口多多咪又講多一句囉。

 

4.在日本不需要付小費!

在吃飯付錢時千萬不要手多多比小費,日本人是非常均真的,如果你付小費的話,只會令佢地覺得服務得你唔好,所以千萬不要付小費啊!好奇怪架~

 

5.浸溫泉前緊記先洗淨身體!

冬天去日本,”浸溫泉”我想是大部份人的行程,但記得浸溫泉前請先將身體洗淨,日本人是好注重衛生的。放心!所有溫泉及錢湯都會有沐浴埸。

 

6. 不要隨街抽煙!

在日本想在街上抽煙時,請先找一個能抽煙的地方!不要一邊行一邊抽,畀人歧視就唔好啦!

 

7. 不要隨便坐的士!

身在日本如無必要千萬不要座的士,因為有統計顯示的士在日本交通工具中價錢最貴,平時搭地鐵10分鐘的路程,如果搭的士的話分分鐘可能收你港幣幾百蚊,所以請小心!如果你玩得太夜就無得講啦⋯

 

8.日本看電影比香港貴多了!

係日本睇戲成人既話通常價格都要¥1800yen(為港幣160蚊度),如果你睇嘅係3D既話,分分鐘加多你¥1000yen,所以都係返香港睇比較花算!同埋日本嘅文化,就算套戲做完都要睇埋電影最後字幕先走得⋯⋯(即演員及幕後名單)以示尊重,汗!

 

9. 和服和浴衣是絕對不同!

去日本旅行特別係去京都,很多女生及男生都會想試一下穿和服,體驗一下傳統風情。但到底什麼是「和服」、什麼是「浴衣」?和服就係日本人口中既着物(きもの),外型似一件T字型長袍,袍底落到腳踭為止。穿着和服時通常要加上一對稱為足袋的分趾布襪,以及一對日式木屐。一些如畢業典禮、結婚派對等重要的場合才會穿上和服,因對日本人黎講,和服係表達一份「尊重」。

至於浴衣,其實都係和服一種,以綿為質地既簡化版和服。由於穿浴衣只單穿一件,方便又清涼,所以比較適合係夏天既廟會同花火大會…等等比較休閒的活動時穿着。

 

10. GU比Uniqlo更便宜 !

我諗你同我都有買過Uniqlo,去到日本諗住仲平過香港?係就係平過香港,但我個人比較推介GU。其實GU同Uniqlo都係同一間公司,只係姊妹店,而最近在香港都開設了新店!GU的款式比Uniqlo更多元化,更in!更重要係價錢仲平過Uniqlo約20%,個人覺得香港的GU所推出的款式始終要迎合香港人口味,比較保守,而日本的GU款式比較新穎,所以大家有時間可以去睇睇!GU上季仲有人氣model山本美月同男神高良健吾做代言人,

 

 

 

 

 

CONTACT DETAILS

 

 

Read More
2017年07月16日

【第一篇文】自我介紹

 

Hello,大家好!好榮幸Menclub邀請成為Blogger,可以同大家分享一下我遊日經歷,旅遊資訊,生活文化等等。

 

第一篇文當然要打下自我介紹,由於從小已經很喜歡日本文化,小時候已經幫自己改左個日文名叫做HIROKI宏樹,諗住自己可以變做玉木宏,速水直道之纇日系型男,做一個偽日本人。記得第一次去日本是在17歲,跟家人到東京旅行,更加速我對這個地方的熱愛。不計留學時間,到現在已經去過日本接近二十次了,不少城市及縣都踏足過。還記得初次接觸日文歌是安室奈美惠的《Can you celebrate》,當時不少歌曲會搭配日劇發表,形成劇紅、歌更紅的局面。當時還是小朋友的我,依稀記得當時是在電視重播的日劇中聽到,而留下非常深的印象。

 

可能會有朋友覺得我有點眼熟,皆因小弟曾經是大台藝人,幾年前讀完電視台開辦的訓練班後簽了做藝人,可惜大台的非人生活不適合小弟,身心疲倦的我早已經係2015年解約了,現在屬於自由身,電視台既經歷也許在日後再詳細說吧。離開電視台後,過了日本留學,過去主要目的是希望加強自己的日文程度同體驗當地的生活文化,還好小時候已經有學習日文,所以在溝通上基本沒有問題。兒時曾幻想可以一個人瀟灑地去外國生活,想不到最後可以達成,這段留學時間當然有很多趣事,甚至乎”瘀爆”事發生,亦得悉了很多只有日本人才知道的生活潛規則,待日後再同大家慢慢分享吧

 

IMG_1962

 

 

CONTACT DETAILS

 

 

Read More