2018/05/23

Vol.10-GT Sport序章

一連三集特別篇 – 跑車浪漫旅GT Sport

 

小編Jay一連三集會同大家由現實去到虛擬。

 

WhatsApp Image 2018-05-22 at 06.24.11

 

喜歡車既朋友相信好多,近年對賽車產生興趣,想盡方法想親身跳上賽車,走上賽道一嘗賽車手滋味既朋友更加之多。

但要正式走上賽車手之路,首先第一步係要考取國際汽聯(下稱FIA) 認可既地區賽車証(Regional Race License),方可有參加由地區舉辦既大型賽車節中既賽事。當達到一定成績/完成特定條件後,可嘗試申請國際賽車証(International race license), 當地賽車總會經過資格審查後,向合資格車手發出 ‘國際賽車証’,方可擁有參加當地以外舉辦既公開賽事基本資格。當然賽車証中亦有細分高低級別,詳情留待日後再出文詳細介紹。

 

 

講左咁多關於賽車証既野,大家肯定問,關咩事呀!唔係講打機,講GT咖咩?

先唔好急住大家,當然有原因。

小編Jay唔想寫d普通野,好似遊戲基本簡介,車種介紹等等,因為呢d大家可以睇番岩岩出隻GT Sport個陣大把game書youtuber 已經講過。

咁你到底想講咩呀咁?無錯!FIA系列賽!

我肯定香港game書一定無詳細講過,香港YouTuber 都無人開live加後製FIA賽事精華。咁不如我做。所以YouTube新頻道即將開始,不久我地Jay C & Chris會再做好D比大家,上載GTsport比賽精華,落場車內視頻,自駕遊精華 及 改裝技術等等,請多多支持!

 

第一章 – GT x 國際汽聯 (FIA) 認可虛擬賽事簡介

 

WhatsApp Image 2018-05-22 at 06.24.10 (4)

 

GT唔算得上最專業,更有好多賽車模擬器用家強調GT根本唔係sim, 係垃圾。我地先放下成見,否則你再睇都無意思,係咪?

 

無可否認,GT的確係全世界最普及既賽車遊戲, 多謝因爲係PlayStation獨佔遊戲,GT登記玩家總數高達數百萬, 當中有好多高手,亦同Sim界最Pro既iRacing、Raceroom等,一樣好多現實既賽車手都仲有係屋企用GT練習同比賽。

 

擁有一個良好平台,擁有足夠玩家,如果再加埋有合理級數評核,基本上就同真實賽車証一樣,公平地令技術相近既車手放係一場比賽。

GT Sport利用DR(Driver’s Rating – 車手評級)同SR(Sportsmanship Rating-體育精神評級) 兩種評估系統幫數百萬位車手分等級。

 

咁點分呀?

 

首先,係Open Lobby大廳玩係唔會有關係,必須參與Sport mode公開賽大廳比賽先會開始對你進行評估。

包括每日賽事A,B,C (Daily Race)及FIA國家杯,FIA車廠杯。

 

WhatsApp Image 2018-05-22 at 06.24.11 (1)


DR(Driver’s Rating 車手評級)

細分A+, A至E 6個級別,好簡單, 比賽成績優異,盡量在每場比賽中得到前列位置,累積起來系統會為玩家級別自動提升!

首5場賽事不會計算,預設DR值為E(最低)。*如下圖示*

 

WhatsApp Image 2018-05-22 at 06.24.10 (6)

 

目標係成為一等車手,評級上限為A+, 數值為50000-75000。呢個級別既小編相信90%以上都係有實力既玩家。

相反,如果水準經常大起大落,不穩定發揮,大意犯錯導致經常尾車群完成賽事,級別可以坐過山車咁變回較低既級別,所以同讀書考試一樣,‘請槍’ 做功課係無用咖,一到考試便知龍與鳳,最實際就係參考叻既同學d 快圈重播,留意油門/迫力控制,努力溫書,打好基礎往往係最有效既學習方法。

相反,經常投訴,抱怨,細想一下大多數問題都係出於自己,反省且盡力避免重覆犯錯係好重要,大部份成功既車手都係識自我檢討先會再進化,不論圈速/排名/技術都會更上一層樓!

 

WhatsApp Image 2018-05-22 at 06.24.10 (1)

 

SR(Sportsmanship Rating 體育精神評級)

亦細分6級,高至低 S-E級。

開始首5場所有玩家預設SR值為B。

S級對小編黎講係基本要求,因為真正賽車比遊戲更高要求,撞車意外/閘車/推撞/不君子行為等等,現實係絕對不容許發生,必須盡量避免,車手與車手間需要公平競爭。

畢竟始終係遊戲,盡能力減少錯誤/意外,有穩定性下比賽,保持無碰撞,SR值一般黎講每個Checkpoint都會計算為增加,保持上限99應該唔難。

 

WhatsApp Image 2018-05-22 at 06.24.10 (7)

 

**順帶一提** 即使你手車係好勁,但唔夠車品,意思指DR係A+, 但SR 唔係滿點99,即使係S級,98只係差1分咁少,系統都係唔會將你分配至同最高級別車手一齊進賽!!

呢個制度雖然仲未最完善,但肯定,體育精神係賽車運動係絕對絕對必要,無藉口!大家必須明白DR/SR系統意義先值得進行GT FIA賽事,否則必定不能融入箇中樂趣。

 

 

講左咁耐,食主菜。

GT FIA分開兩場,分別為:

- 國家杯(GT Nations Cup)

- 車廠杯(GT Manufacturers cup)

暫時賽季一個月內會進行8場比賽,最高4場得分總合為最後分數。

 

WhatsApp Image 2018-05-22 at 06.24.10 (5)

 

先介紹國家杯(GT Nations Cup)

顧名思義,以玩家本身登記既國藉作賽。

最新暫時測試賽季階段既FIA賽程為逢星期三及星期六,7點至11點共5場,玩家可按自己時間許可參與其中一個時間入場。

 

WhatsApp Image 2018-05-22 at 06.24.10

 

目標:

背著自己國家既旗,當然應該盡可能為自己代表既國家跑出好成績!

成為該國藉最快數位選手,可代表自己國家同其他地區最快既車手爭奪最快車手名堂。

估計不久‘正式賽季’開始之後,相信唔止單單名堂咁簡單,聯同得FIA個名搞,取得賽車証/參加現場既世界選手賽絕對唔係發夢,更有可能被選為現實GT3車手!

 

WhatsApp Image 2018-05-22 at 06.24.10 (3)

 

車廠杯(GT Manufacturers cup

其實同國家杯玩法大同小異,但其實更要大家去認真思考!點解咁講?

大家玩開都知咩車快d, 咩車好渣d, 邊部省油d等等,但總總優勢唔代表對你有利!

事實係GT唔想大家玩極都係個幾間車廠,變左頭D舊時全部DC2/GC8V,灣岸就全部EVO8/R32 。

有快車就更係有比較低競賽力既車廠,為左解決呢個問題,造就左車廠杯既出現!

渣較弱既車唔代表你輸!

非正式統計,由於8成人都係為勝利,所以用最強既車廠 (直至現時,凌志/豐田/三菱可以話係最吸引,GT3/GT4級別都比較強)

但其實車廠杯係點玩法?

Top24最終舞台: 每間廠會選出最快2位車手代表參賽,換言之,

就算你用VW/林寶/現代,可能你未必名列前茅,但可能你能夠成為該車廠最高分既車手!!意思指,仍然可以作為代表參加最高級別既比賽。

假以時日,可能練得一身好武功,成為GT既拓海,渣住部垃圾鍊低人地部Evolution!

話唔定,現實車廠可能因為咁,比機會該廠最快既玩家一試廠車既滋味!!

 

以下係小編Jay既比賽錄影,請大家有心理準備,因為條片真係有D長。

Qualify @ 08:30

Race @ 21:19

 

 

Youtube: https://youtu.be/3O-5YnhOSwk

 

總結:

宜家呢個年代,遊戲唔再係玩玩下,係真正既渠道同世界接軌!FIA 都公認,邊個話打機無出色?

仲唔快D係遊戲中學習,仲係食古不化,話無Gforce, 話身體感受唔到千種藉口?唔好奇怪點解有偏見既你會有日係賽車場上,唔夠一個後生既鬥呀鬥呀鬥呀……

今時今日,世界舞台上包括F1,WTCR,rallycross,superGT,V8 supercar,WRC 等等 (一級車手後生到F1 既MaX Verstappen, WTCR 既老前輩級車手Gabriele Tarquini)都一定係不斷透過模擬器/賽車遊戲去加強眼睛直接交訊息俾身體,繼而作出反應!

因為透過眼睛係最快,用身體去感受再反應,現在黎講,已經太遲!

香港人係缺乏政府係賽車運動上既支持,本土無場地,上內地價錢賽車場租車練習唔算便宜,所以透過模擬器/賽車遊戲係最直接,係可以每日都做既鍛練。如果兩者相輔相成,當然係最理想既做法!!

 

小編既GT Sport 帳號 (PSN):JayM969

YouTube GT Sport FIA 直播帳號: JayM969

 

多謝各位支持,第二集待續。

 

last one

 

 

Jay C @ Jay C & Chris

FB: http://www.facebook.com/jaycnchris

Instagram: jayevo.6

 

 

COMMENT