2017年10月02日

戴返個頭盔先

Screen Shot 2017-10-02 at 11.08.17 PM

不知從何開始, 發表文章或意見時都少不免要寫返句較中立或完全同本身立場相反的statement, 然後講明”戴返個頭盔先”或”利申”(利益申報), 以至寫一點較具諷刺意味的文章, 都要標明是”曲線”, 甚至註明曲線的程度。

 

這種情況在網絡上隨處可見, 因為大家都害怕稍一不慎即被網絡公審, 繼而被起底然後瘋傳至各大媒體。網絡公審近年愈見嚴重, 是香港人因為種種因素而越來越憤世, 抑或大家都喜歡扮理智及清高, 顯示自己與別不同? (我係話你哋, 唔會戴頭盔) 

Screen Shot 2017-10-02 at 11.12.50 PM

 有思考才有批判, 是件好事, 這樣才不至淪為人云亦云的人形工具, 不輕易受操弄擺佈。可惜的是很多人自以為是批判, 真相卻是扮清泉來擦存在感, 而網絡上的存在感是虛擬的, 你的comment有幾千like又如何? 你unfollow一個page有何影響力? 現實中你是甚麼呢? 懷才不遇? 世上沒那麼多人有才, 自卑變自大啊多可憐。

Read More
2017年09月22日

有涵頭 有女溝

細個嗰陣,我個頭,唔係咁嘅。

濃密嘅黑髮,西瓜頭,媽媽指定一定要維持長度,成個感覺,有點盧廣仲。係,係比薑檸樂更盧廣仲嘅頭。

嗰時,我好唔靚仔,但係身邊總會有女仔圍著轉。依家回想起,應該係因為我個頭。

17歲嗰年,我人生發生咗重大轉變。

講緊嘅,唔係初戀。任何嘢第一次對我黎講完全係濕碎。講緊嘅,係我發現咗某日本髮蠟。

準確d黎講,係我迷上咗木村。嗰種不羈、on居、隨性,令我當堂反思自己嘅性向。

重點係,我從此走上了不歸路。我開始用佢代言隻髮蠟。呢隻髮蠟,最堅挺嗰款,令我個頭無比堅定豎立,令我重振雄風。認真,係靠個頭追到唔少女仔。

不過,壞處係,佢好頑固,唔易洗走,加上我天生錫自己,d手指唔願意起勢咁抓個頭,成日個頭都感覺唔乾淨。

joseph 5

仲有個問題,就係發覺人大咗有少少髮線後移,同埋頭髮比以前少咗。唔係怪木村,不過為咗可以繼續一頭濃密黑髮同長期直豎,我搵咗可以防脫髮同增強頭髮濃度嘅洗髮水N年。

睇到咁上下都知道我對日本嘢嘅喜愛。係喇,最終就俾我搵到Trichoderm (添康髮)Black series 呢隻日本男士專用嘅洗頭水同埋免沖洗精華。

成支嘢一望落去就好日本 – 黑gugu、細細支,好舒服,好信賴得過。

joseph 1

用咗一排,我依家個頭比以前望落更舒服。全賴佢增強咗我頭髮濃度。佢仲增加埋我頭髮個彈性活力,令我gel 到個頭更彈起。

有d網民一直質疑我點解個頭咁「亂」,我今日就解開謎團 – 當你展現出一頭烏黑濃密秀髮時,人類進化過程註定女性會因為你嘅髮質而產生生理反應,對你鍾情。laap起個長髮頭,就最容易俾佢地見到。

joseph 2

事實係,頭髮反映嘅,係性魅力。

我係天生書蟲,信走萬里路不如讀萬卷書。所以與其溝10條女證明頭髮嘅性魅力,我不如直接睇書印證。英國性學家Havelock Ellis (1859-1939) 喺佢本寶典《Studies in the Psychology of Sex性心理學》度(呢本係我嘅聖經)就講過:「頭髮嘅誘惑力極大,它同性選擇嘅視、聽、嗅、觸四覺全有關係。」

其實睇番人類社會發展史,頭髮也反映咗對性嘅抑壓同自由度:修士、和尚削髮,意味著從此與情慾絕緣。一d國家d軍人、囚犯要剃光頭,都有禁止或剝奪性活動嘅含意。

時至今日,當男士擁有一頂濃、密、黑、亮嘅頭髮嗰陣,喺情場上、體能上,大家都會睇高一線;男士之所以害怕光頭,其實就係因為頭髮具有象徵性嘅意義。唔係講笑,連我踢波嗰陣,對面d球員見親我個頭都會話:「林生,你好踢得下咁啵」。

我咁多年係情場,幾乎都係靠個濃密黑亮頭吸引女性。基本上,只要有個位令到個女仔興奮地tsao我個頭,嗰陣我就知道 – 「叫糊啦」!

百試百靈。

願能幫助各位我喺Menclub嘅haters,從此一齊拍住上。

Read More
2017年09月08日

樣衰嚇人係你唔啱

雷莊兒(影片截圖)

今年港姐我冇睇, 因為真係冇心水, 不過大家睇到嘅我都睇到。其實我明白真係各花入各眼, 美的標準人人唔同, 不過, 港姐就真係應該要有個標準, 就係靚, 靚就得人心得天下, 智慧嘅野, 憑嗰幾條問題問到啲乜野?

雷小姐當選後, 批評聲音不絕於耳, 大家對佢嘅外表相當不滿, 順帶佢略為帶”寸”嘅回應, 更加令人冇好感。事實上係咪因為佢太寸咀, 唔夠大方, 而令大家更討厭佢呢? 網路上有不少人作出分析, 搬出所有理論及道理, 繼而吹到去社會現象, 歧視問題男女不平等, 將所有批判合理化之餘仲神化咗。

我覺得呢啲都真係借口嚟㗎啫, 咩道理都唔需要, 其實雷小姐只係衰一樣嘢, 就係個樣。正如唔知邊個講過一句: 樣衰唔係罪, 但出街嚇人就係你唔啱, 非常極之認同。小弟當然深知自己同靚仔兩個字無緣, 但我不嬲唔係sell樣, 但香港小姐係真係選靚女, 樣係最重要, 放在四海之內嘅選美皆如是。

女仔樣靚, 你再寸再小器再蠢都會被寬恕, 現實就係咁簡單易明, 咩道理都假。

Read More
2017年07月15日

Don’t Give a F*ck

0eae1821f0287286a72bc5f989e1c6d1

對於放下大律師資格, 投身補習行業, 及其他工作嘗試, 許許多多的人在這數個月來不停質疑小弟的決定。不少是律師行內人, 鍵盤戰士, 不相關的路人甲乙, 直接或間接的都抱著「你遲早知錯」的心態來跟我討論或指導我。日前補習課堂正式營運, 收生狀況滿意, 正在「取得階段性成果」, 要指教小弟的, 我希望你是時候閉咀了,結果就是最佳的說明。

“The Subtle Art of Not Giving a F*ck” 這本書算是來遲了, 本來我就是這樣, 不過還是想說兩句 (預了有人會說「係咁瀟瀟就唔駛再講啦」, loser, 你不是我的目標受眾)。我對Best Seller及這種改著嘩眾取寵書名的書一向敬而遠之, 不過碰巧朋友買來, 當作消閒亦無不可。這本書不寫得特別好, 有點囉唆, 但「中」。老生常談, 為何要迎合大家的期望, 普世的價值先? 

the-subtle-art-of-not-giving-a-25127

當初放下大律師身份就是這種「管他的」態度。成功許多方法, 沒有方程式, 老生常談但有多少人做到? 許多人以林作「毅然」放棄大律師身份來說教, 其實根本沒有「毅然」這回事。這個詞語有不顧一切的意思, 我沒有。我有思考過,我明白自己的能力。

每人對成功的定義都不同,我沒有辦法符合所有人的期望,「管他的」。其實香港許多年青人都困在這個思考籠牢中,被別人定義了成功的狀態為何,而失去了對自身價值的認同。很多職業一直都被視為次一等,補習、打機、演藝等,補習出了數個天王結果才改變了世人的看法,打機演變成今天的電競行業,連李嘉誠都看好要投資,演藝界中不乏著名大學高材畢業生,外國尤其多。你還要用所謂的普世價值來規限自己嗎?

Read More
2017年07月13日

[關於行醫濟世這回事...]

日前小弟對DSE放榜日眾尖子的就業取向發表了一些感想,瞬即得到各界不同迴響。各名尖子不約而同的選擇醫科為大學學科,並希望能幫助更多的人云云。在我看來,倒不如直接承認讀醫是最賺錢,還值得讓我尊敬。

 

maxresdefault_副本

 

從醫或做律師在社會上算是高尚的職業,也被普遍人認是社會的菁英份子,打著的旗號高尚漂亮,卻沒有人願意承認揀選這些行業其實是因為最易賺錢。觀乎所有尖子的訪問,他們的回答與理由幾乎是統一的,不外乎就是「做醫生可以幫到好多人」及「有親人曾入住醫院,獲醫生悉心照料,故立志要成為醫生回饋社會」;如果有人選擇讀法律的話,回答也不外乎是「彰顯社會公義」及「希望人人都在法律面前獲公平對待」。Come on James! 其實要回饋或報答社會有很多方法,很多行業也可以,你相信就只有這些行業可以拯救社會?

 

你以為他們最貼地,其實他們才是最離地的一群。香港人的核心價值是甚麼? 是賺錢! 是置業! 小學生尚且已可以回答將來的目標是買樓,大學生也在大學時期開始申請公屋,務求有一屋在手,中學生竟然告訴大家因為專注學業,對社會政治就沒有多留意,你相信嗎? 在這個資訊已達泛濫程度的社會,你縱是萬不情願也不可能不知道或接觸不到這些每天都見的新聞。如果是這樣不貼近時事現實,那末又憑甚麼說做醫生可以救人很有意義? 意義在哪? 你知道香港需要甚麼嗎?

 

公立醫院的醫生或牙醫人工尚有ceiling, 私人診所就沒有了,要做到「月球人」可謂輕而易舉,不如就在受訪時說讀醫是為了賺錢,不要說得自己要打救世人一樣。憑這些尖子的實力要對香港有貢獻有幫助,真的不只是從醫或讀法律才成。他們其實有多少是真的有那股熱誠熱血,還是人云亦云,覺得人中龍鳳就應該做這些relatively較高尚的職業切合身份? 所有所謂的菁英份子選擇從醫實非香港之福,我是很堅持這一點的。就算你說是香港教育制度問題,尖子們也可以是有見地有見識呀! 看國際時事新聞,看多點書就可以做到,不是一句是香港教育narrow minded 就可以為他們開脫的,因為narrow minded從來是那批尖子,是人的問題,不是社會。

Read More