2017/05/02

最難聽的說話

center-table-pembroke-xmas-formal-dinner-1-of-1

真話永遠都係最難聽。講句律師呢行係夕陽工業, 淨係睇到夕陽兩個字, 已經有不少人立刻跳出來大罵。當然, 大家讀左咁多年書, 又要考試又要實習, 都真係一番苦功先捱到拎個執業律師牌, 家下就算搵唔到咩錢都起碼大部份人覺得係精英, 點允許我呢種人突然跳出嚟話唔做, 仲覺得我擺出一副唔稀罕咁嘅姿態? 我梗係稀罕, 我同你哋一樣都係辛辛苦苦讀返嚟㗎, 只不過, 我想搵錢唔係要”精英”呢個光環, 呢個就我同大家嘅分別喇。

又講到我出席牛津劍橋晚宴, 提到在場得三種人, 一種係已經上晒神檯嘅大佬, 一種係見高就拜見低就踩, 最後一種係一早放棄咁無聊嘅人。最多就當然係見高就拜嗰種, 其實做佢哋好難, 一入場就要忙住搵目標, 然後諗定有咩話題, 又要適當切入, 仲要敏感度夠高, 適時加送讚美高帽。到出年又一年一度晚宴, 舊年唔起眼嘅今年冒出頭來, 結果又要諗定理由講點解舊年連招呼都唔打, 呢種人真係要有天份先做得。小弟不才。
Torn paper with truth word behind it, black and white photo
我嘅現實都只係話俾大家知我想搵錢, 但原來攬住個自以為高人一等嘅光環先係大家嘅現實, 於是呢排就有唔少人借住呢樣野圍剿我, 話我唔夠尊重呀市儈呀云云。咁你又因為乜覺得自己係精英同與別不同? 講到尾咪又係炫耀自己嘅背景? 點解你要响晚宴上搵啲大佬影相傾計? 咪想話俾人知”其實我都好勁㗎”。與其做啲咁虛無縹緲嘅事情, 不如承認餐飯其實冇咩實際意義, 只係用嚟俾你呃like同呃啲冇你咁”優秀”嘅人啦。

COMMENT