2017/05/09

15 minutes of fame

warhol

經常都有人質疑小弟何德何能可以寫專欄,攻擊無非都係話睇唔明,冇重點,最重要係「點解呢條契弟有得寫」,潛台詞係「而我冇」。其實唔駛葡萄,Andy Warhol一早講過,“In the future, everyone will be world-famous for 15 minutes.” 即係話基本上人人平等,你都可以,不過你有沒有能耐做到又另一回事。

小弟本人當然有自知之名,從來冇認過自己係名人或者明星,但不能否認本人又真係有一點兒價值被報導,又不能否認本人所走的路線係幾新穎。環觀其他網上平台,都不失有能之士不停寫blog,就算整篇文章只有粗口,只有不停的鬧,都仍然可以生存。某君在專欄中狂鬧香港娛樂記者水平低落,故意挑釁久未露面的EDC,繼而做新聞云云,從而發展到提及本人之流也可以是娛樂版的報導對象,更進一步印證娛樂版的末落。
 Haters
Interesting! 每人都想把握那15分鐘,但你真係以為單憑你就可以? 文章或comment只有鬧同粗口咁同維園阿伯有何分別? 明白不是每個人都想成名,不過俗一點說,「你拋得個身出嚟」密密寫密密回應該都是有點期待,不就是想有人注意? 得不到回音就唯有四周攻擊別人? 而不值一晒的小弟竟然都有幸被提及,應該都反映出一點兒現實,就是文章有小弟之名通常都得到部份網民haters支持。 說真的我不介意,因為被人憎到幾乎成為公敵都需要一點能耐。
 
Haters們就且承認自己是haters好了,看不過眼別人做到了自己可能窮一生也不能做到的,於是葡萄加玻璃心,只能不停無理攻擊而換回少許快感,我看著都覺得可悲,幾乎要為你們流淚了。
COMMENT