2017/09/15

《麥紫莉騙案,無期望,唔等於無失望》

2017_09_15_蔣薇MenClub Column
 
網上資料圖片
 
第一日聽到有港女去日本拍AV,大家係興奮嘅,再望到女主角個樣,口裡說不了,但真係拍,有邊個唔會去望吓?
 
就好似當年3D玉蒲團事件,雷凱欣一吓爆炸,炸傷幾多男人嘅心,留低不能磨滅嘅陰影,比起三星電話爆炸更令人難忘。
 
等咗幾個月,一直未有成行,大家由討論佢咁嘅外表拍唔拍得起,改為質疑會唔會去,拖咁耐,喺日本已經唔知出道咗幾多個新人,可能有班新人已經收山,但佢都仲係話未得未得。當日佢上MenClub直播,大家都問佢去未,佢亦話安排緊,嘻嘻哈哈下有唔少人留言話想睇乜題材,點知唔到一個月時間,真相大白,原來一切都係「媽劇停」!
 
大家預咗會走數,但走數都有技巧,你一直話去唔成,合作傾唔成,然後又有其他發展,都好過一巴車落嚟,話俾你聽係假嘅!現實係殘酷,但你都唔駛咁直接啩!?
 
日本愛情動作片,一直係男士們電腦入面隱藏嘅秘密,有邊個細個無偷偷睇「蜜桃成熟時」「玉蒲團」「晚孃」,但近呢十幾廿年,除咗出咗套一路向西之外,香港製作,已經末落,支撐住嘅只餘下網上不經意嘅流出。
 
最近討論區有批港女流出合集,大家重溫「布吉」「恆生」「吉野」「國泰」「地產」「Yeah」,低清,取鏡差,主角亦唔算標青,但大家都感到非常有親切感。
 
點解?好簡單,三個字,廣東話。
 
學杜汶澤話齋,點解睇雷凱欣?支持本土!就好似港足咁,即使踢得唔好,但你都會支持,因為係自己地方,自己人,但香港最近仲有幾多本土製作?港足唔踢,咪唯有睇英超囉。
 
曾經一部電影《AV》,講幾個港男夾錢請日本女優到港拍AV,仲好記得佢哋套制服,寫住導演、場務、燈光,情節荒謬,但都講中唔少港男嘅幻想,喺街問男人識咩日文,多就唔多,但一定識某幾句。
 
麥小姐俾咗一個廣東話嘅夢我哋,但最後亦用廣東話講出真相。
 
係,我哋又無俾錢,無損失;我哋一直都話唔期望,但唔代表我哋唔失望。
 
對於廣大男士,我哋有一個好簡單易理解去原諒人嘅方式,只要你一做,大家一定會原諒你,希望有日會得到你誠懇並真摰嘅道歉。
 
蔣薇
www.fb.com/maydreaming
 

COMMENT