2018/08/24

《知唔知一套正版AV幾錢?》

00c5e1d2-1260-4259-a329-dc76046e1a25
 
網上資料圖片
 
一萬個男人,有九千九百個睇過AV,但你又知唔知一套正版AV係幾錢?
 
大約2500yen。
 
一個晚上,正常男人可以消費到四至十套AV,如果真係要你俾錢,你一晚要洗幾多錢?
 
有個朋友忽發奇想問,如果喺香港拍AV,可唔可行?點為之可行?有冇人睇?賣唔賣到錢?如果前者,可以;後者?呵呵。
 
現實社會中,Window要俾錢,Office要俾錢,歌要俾錢,戲要俾錢,遊戲都要俾錢,唯獨是AV,無人願意去俾錢。
 
早前有一個十大成人網站選舉,十個網,十個都係盜版,無授權、無監管,曾經有個著名網站ThisAV就社會事件作出表態,停網幾日默哀,贏得萬千網民一致讚賞為良心企業,但無人意識到,佢本質就係一個盜版網,等於一個賊盜亦有盜,本質仍然係賊。
 
最有趣係頭幾位高分網站,仲係標榜無廣告,有流暢體驗為指標。
 
今時今日,你拍AV,除咗要免費,仲要無廣告,想拍AV?市場係大啊,但成個市場有99%人都係賊點做?
 
明日花嚟香港舉行自拍會,在場有幾多個真係曾經買過佢AV支持過佢?
 
更恐怖嘅係,當有人話想買正版AV時,其他人竟然會話佢低能,明明上網又快又唔駛錢又唔駛擺,點解要買正版?呢班人無諗過,唔係有呢班傻仔去買正版,仲會有人開發拍片比你免費享受咩?
 
你唔當佢係救世主都算,仲要笑人傻,呢種觀念真係好有趣。
 
我唔係要扮偉大,扮聖人,而係想大家知道,世界上無嘢係免費,你嘅快樂係建築係其他人嘅努力之上,全世界都好似你咁醒,大家就一鑊熟你明唔明?
 
點解一隻碟要賣2500yen?就係因為得小部份人會買,而呢個價錢要養起成個行業。ThisAV入面最多點擊嘅片知唔知有幾多view?係14,160,993,係千四萬view,只係一個網站,如果睇一次收一蚊,大家都可以雙贏,偏偏只係旺丁唔旺財,榨取以億計嘅子孫,但帳面只係一場空,盜版網就大賺一筆。
 
皮肉錢,係辛苦錢,你可以睇唔起AV女優,但你要尊重佢,因為佢哋免費娛樂緊你,雖然唔係自願。
 
可以嘅話,去開日本,買返一隻正版,支持吓啦。
 
蔣薇
www.fb.com/maydreaming

COMMENT