2017年09月06日

香港未來的課題?

 

201607181024322432

陶傑都提過,中國未來最大的課題,是如何令這個世界喜歡中國。而香港未來最大的課題則是如何令香港人喜歡這個世界。早前,作為廢青的我又出走了,去了廣州。老實說向來對中國大陸無咩好感,但今次發現自己真係唔了解國情 [掩面] 其實大陸很多城市比香港先進方便,重點係,大陸既年青人比香港積極得多。作為廢青既我,真係好似食左慚愧波板糖咁。[哭]

 t016027b9af6017066a

大陸的確係有好多問題,但我地錯覺得大陸人好似生活唔多好,其實佢地比我地過得輕鬆愉快。今次遇上一個廣州女孩,講有關言論自由既事。驚訝既係,佢地並無覺得可惜,反而體諒政府用心良苦為維穩而封鎖。媽阿,咁樂觀既人去邊度搵?以生活水平計,香港人比大陸人辛苦,而所謂自由,法制亦愈來愈變得模糊。我地可能錯誤解讀左大陸對我地既取向,「一個中國」既意識形態固然係有,但談及佔中事件時,大陸人清楚明白我地既用意,只係佢地有經驗之談:「與其花時間去改變無可挽救既情況倒不如花時間增值自己黎得有意義。」事實上亦證明,港青既努力其實無咩作用,睇睇G phone既下場就明白無可挽救既局面係咩一回事,係大陸生活學識既野唔係忍受,而係接受。學識遊戲規則先有改變既權利,「若你要打倒我,你必須成為我」,就是這樣的思維。

e9bb83e4b98be98b92

大家唔好放錯重點,對於大陸好,香港好,共產好,資本好,其實今時今日已經無界線。我想講既係,要學識變得積極,接受係一個過程。「香港人嘛,就是有點驕傲。」這種形象在中國深入民心,如何去除傲氣,重新出發,增強競爭力,唔好再放香港為地球既中心,真真正正去擁抱世界是我們的課題。無人叫你返大陸發展,而留係香港亦同大陸無異,放眼世界係一種準備。

 

今日通識課,你係香港定係中國人?必然答香港人。正如中國人都有廣州人,北京人。日本都有大板人,福岡人。強加意識形態唔係好事,真正既歸屬感源於貼身生活既幸福感同自豪感。我都唔知幾耐無係香港感受這兩種感覺,總有一日我地都會搵到,但可能唔再係香港這個地方。

 

P.S.:有人話我出文好慢。 嗯,我都唔想既,廢青就是忙嘛 (偷笑) 下星期我會去上海,到時再寫。

 

@OC仔 – 90後廢青一名,為不同中小企擔任分析及戰略顧問,歡迎私訊

E-mail: lkfoscaroc@gmail.com

Read More
2017年07月03日

香港教育如何拉大貧富懸殊差距?

 

 

IMG_8528在我講教育之前,我想分享一下最近這個世界發生的大變動。(雖說是大變動,但其實有很多人都沒有察覺,盡顯香港精神,關仁忍仕)

IMG_8525

最近美國帶頭加息並縮表,各國紛紛跟隨,點解?因為自2008年金融海嘯之後,全球央行都狂印銀紙,用信貸既增長來推動經濟增長。但經濟可否有效增長其實是取決於生產力既發展水平,而非數字上既膨脹。現在,央行們都遇到了一個問題,當生產力無法增長既時候,市場就無法創造信貸既需求,央行無論點印銀紙,都搞唔掂。正常健康增長既經濟體應該:失業率下降,人工上升。但事與願違,在高通脹率既環境低下人工不升反跌,歸咎於全個社會既資本持續追逐股市、樓市等資產價格,自自然就會在實業領域中不斷抽取資本,破壞實業發展,而我們必須理解,財富的根本,是由實業創造,而非炒作。因此美國決定要挽救流失已久既美金,並減稅帶動實業回流。其他國家亦只好跟隨,否則其本幣價值會以驚人速度流失。這亦表明了,發展中國家從過去QE中賺取外匯的蜜月期已經結束。打開成績表一睇,我們獲得的並不是財富的創造、文化,技術或科技的提升,卻是一堆泡沫的資產。高資產價格下,無可避免地促成了不健康的極端M型社會。因為薪資不單單是追不上樓價,而是追不上生活的成本。作為社會最大貢獻的中產階級(以稅率計算)亦一步一步走向貧窮。富人則保持現金流並轉型,因為他們明白在沒有羊的草原,狼也難以過的安逸。

IMG_8526

加上近AI同新型生產機械人既發展,傳統低技術的廉價人力資源已成廢物。再者,現在已經不是知識型社會,因為知識、資訊,在網上應有盡有。因此既有的知識型教育早已不合時宜。未來是什麼?未來是高利率、高轉數和Creative Expert既時代,也是殘酷競爭既時代。

 

如此一來對我們有什麼影響?

 

實不相暪,其實我們祖國也好,香港也好,都只不過係第三世界國家。我們要抗衡美元大量流失及財富貶值,不外乎是實行資本管制(限量兌換本幣與美元)、降低社會管理成本(縮減開支)、加息及減稅(吸引商家投資)。因此依賴投資作為主要產業的社會,其實極度危險。

 

面對轉型,我們有什麼要留意?

 

1. 簡單的事重複做,重複的事唔洗你做!唔好做齒輪。

2. 重視邏輯、創意、整合的教育。而非知識的灌輸。

3. 隨著高利率,炒家們將以衡量風險為依歸,資產價格再創高峰將難上加難。

4. 逆全球化,令外匯流動性降低,金融洐生產品基本上係廢了武功,貼近民生的實業會成為主流。

 IMG_8527

然而,今時今日的香港教育沿用了300年前的科舉制度,睇睇我地學生背書既能力,可見教育內容亦同300年前有幾分相似,可見競爭力的缺乏。在香港模式的巨潮下,要重申考慮,泡沫資產價格下的一個單位一台車是否我們的真正需要。不要以為你現在的專業是不可取締,即使傳統專業如醫生、律師,Dragon Law已是一個好例子。只要你沒有提升至content creation 或 整合專業既層面,遲早都會被淘汰。

 

@OC仔 – 90後廢青一名,為不同中小企擔任分析及戰略顧問,歡迎私訊
E-mail: lkfoscaroc@gmail.com

Read More
2017年07月03日

為何北京不是東京?

6TpcS1l

作為一個香港廢青,當然係無心工作,請假去旅行。早前飛左大阪一轉,走過心齋橋,去過飛田新地,本人死而無憾。(偷笑)香港人對日本,一定唔陌生,大家去日本都係飲飲食食 shop下ping。唔知大家有無留意,成日係日本食野都有「元祖」這兩個字,即係有同類型食品本店屬第一間咁既意思,當然堅定流就大家自己諗。但無疑,各位都曾經去過日本既百年老店排成個鐘,就係食盒鰻魚飯。這就是歷史的價值!

mczh-tw700x700_large74859

好奇怪地,百年老店這四個字,與我們好像無緣一樣,想找間百年老店要越洋走到日本先有。香港、中國幾乎搵唔到。點解咁講?因為日本創立超過100年既老店有十萬幾間,但係我國5000年文明發展至今,經營超過100年的老店不超過100間。 我唔係想講有歷史有品牌就一定係好野。有返大陸既人一定會知,有名有歷史既老店,真係好多人幫襯,為求接生意,結果放棄品質。而當中出名既不外乎係marketing做得好,我國同胞又傾向用耳進食,而非用口進食。所以為乎合國情,大量鱔稿,呃like影相食品不斷新增,想求口慾之福既應該都比較難搵。早兩日仲見到有個朋友返左大陸排左成個幾鐘隊買杯喜茶俾女朋友(偷笑)你叫果d係日本做茶做成200幾年既老店既老板情何以堪呢?

xicha1b

我係日本排過最耐既一間餐廳應該都唔超過40分鐘,食一個200年來無變過既味道仲要平過你。點解人地可以做得咁好?仲咁平?原因係生產要素價格。香港也好,近代既中國也好,食材成本、租金都比日本高。大多數人在高成本城市,以低收入生存,固無尋求質素的選擇。我有位朋友,開飲食好多年,佢亦坦言:「我都曾經想做d有質素既野食出黎,但基於成本,要加價,一加價就無人食,連食材都蝕埋阿大佬。咁點阿?咪做cheap野囉,快餐模式最穩陣,大把人幫襯。一係就搞下d gimmick 野,放上facebook,自然有班傻仔俾錢你洗。」這種模式,其實係惡性循環。我地想食好野,但唔願意付出不合理價格。佢要整好野,但價格提升到不合理水平,結果無人幫襯。最後要整cheap野,我地又無得選擇。

157e121a-cd59-4471-bfa3-5044e53f012f.157e121a-cd5a-4714-b6d5-3a0f3504c26c

民以食為天,追求味道,係一種生活態度。一間做得好既餐廳可以不再被加租、被逼遷,能夠經營落去,其實係一種有形既社會資產。如果想食一餐令人會心微笑既晚飯,要越洋出國,我們也未免太可憐。

 

@OC仔 – 90後廢青一名,為不同中小企擔任分析及戰略顧問,歡迎私訊
E-mail: lkfoscaroc@gmail.com

Read More
2017年03月02日

不會醒的夢總有一天會變成悲傷

14729328_10210986798373790_4698904044681600065_n

有夢係好事,當一個人發夢既時候多數唔發現自己係發緊夢,甚至從未懷疑過自己其實只係發緊夢。

 

有唔少人以為自己才華橫溢,自以為比人聰明,略有成就便一朝得志,語無倫次,以為自己擁有全世界,得到永恆。這是年輕人既病,無得醫,只有時間及撞板才可以令一個人覺悟。但講真,你又有多大的成就可以讓你放肆?

 

很多小朋友去到海洋公園覺得很大,有無窮的樂子,以這裡就是全世界。長大後就知道其實海洋公園好細,至少比外國的主題樂園細。一切既誤解,自滿以及狂妄,源於無知。的確沒有比較就沒有懷疑。

 

不少人搵到少少的錢便自以為是,這是自滿。
不少人以為這少少的錢係多多錢,這是誤解。
不少人張揚自己的所謂豐功偉業,這是狂妄。
然而無知就是原罪,而這一切都只是一場夢,一場沒有結果的夢。

 

事實上,好多人不甘心庸俗渡日,但舉目望去,真正可以改變自身命運的人卻少之又少。我們一定要面對自身的盲點才會改變。孔子曾經向老子請教,老子手指浩浩黃河,對孔子說:「汝何不學水之大德歟?」孔丘曰:「水有何德?」老子說:「上善若水:水善利萬物而不爭……故能入於無間,由此可知不言之教、無為之益也。」孔子聞言,恍然大悟。孔子一生不得志,去請教老子也是希望改變自身的處境,按今天的語言就是改變自己的命運。老子給孔子講了水德的道理,然後期望孔子去除「嬌氣」和「志欲」。孔子深感受益,感激不盡,自稱弟子謝恩,回歸魯國。孔子這樣的聖人,都敢於承認自己的缺點和錯誤,何況我們這些俗人?

 

若有自知便沒有無知,正如不少環保團體搞什麼挽救地球的活動,挽救為名,賺錢為實,而地球其實不需要人類拯救,她自己會復原,所謂極端氣候也只不過是一種反饋,相反要拯救的是人類自身;做人都一樣,不要而大義為名,自私為實,不論賺一分一毫或是賺取一種虛榮感。更不要幻想去拯救世界,因為能夠拯救自己已經不容易。花了多年時間,到最後什麼都沒有,只剩下一堆曾經放過的屁話,夢想從此變成幻想,這樣又好嗎?所以自求多福吧。

 

有夢是好事,但不要以為夢中有永恆。因為夢總是有會醒來的時候,不會醒的夢總有一天會變成悲傷。

 

@OC仔 – 90後廢青一名,為不同中小企擔任分析及戰略顧問,歡迎私訊
E-mail: lkfoscaroc@gmail.com 

Read More
2017年02月22日

港女有救

 16649510_1686915748001813_1213060450520743838_n

當我地對一眾不關心時事,只關注名牌;不講道理,只鬧情緒的港女s,處於絕望時。香港小姐冠軍麥明詩小姐早前在自己的Facebook page公前討論關於7警事件的判決。老實說,我看到了希望,心也動了。成日話女人係唔logic既生物,但原來logic既女人是如此動人。

 

 

「我們的司法制度,追求程序公義,追求實質公義。有程序公義的法庭,疑點歸於被告。它讓被告自辯、讓對家盤問證人、撇除不可靠證供。它遵從案例法,需求法官遵從判決先例,保持貫徹性。」

 

在麥明詩小姐所提及的法律知識和見解之中,這段我最為欣賞。作為讀法律的人,必定有這樣的覺悟,但隨著時間流逝,幾多出來從事相關工作的人早已把學校學到的都統統忘記。而她卻帶給我們一種勿忘初衷的感覺,在文章中不偏不倚。

 

在7警案件中我不想談論太多,旁人去了解這件事,不能作準。但警務處處長的反應卻令我憂慮,「撐7警」?作為警務處處長支持犯罪份子,這叫包庇。讓有著這樣的思維的人去擔當香港政府的核心成員,你教我們如何安心?令人更失望的是,有人遊行示威,所謂撐警行動。目的何在?作為既得利益持份者即7警的家人,有理由去為自己爭取。但其他人呢?作為被煽動、被利用的人有沒有像港姐的覺悟,去好好看清楚事情的是非黑白?

 

就很多人對麥明詩小姐所寫文章有很多意見。當中很多把雨傘革命討論在內,指7警所打的是革命份子,是抵打。認為雨傘革命是一場政變、暴動。有關雨傘革命大是大非,我只可以講理念與行動不一定一致,正如期望與實際都有很大差別。但就文章而言,討論的是7警行使武力的單一事件,若留言中談論與案件無關的事就有點兒那個咁囉。所以唔好離地,亦唔好離題。

 

比起對港女的失望,若然在這樣的環境,我們不能保持清醒冷靜去分析事物,那麼我們便會墮入更深層的絕望之中。如果連最基本的思考能力都失去,又談何核心價值?

 

@OC仔 – 90後廢青一名,為不同中小企擔任分析及戰略顧問,歡迎私訊
E-mail: lkfoscaroc@gmail.com

Read More