2017/08/25

男人的Fantasy (一四二)《天鴿啟示》

2017_08_25_薛可正MenClub Column
 
網上資料圖片
 
一個「天鴿」,令到港澳兩地都損失慘重,特別係澳門,幾位不幸過身嘅市民,就好似提醒我哋,其實我哋嘅生活,唔係想像中咁困難。
 
以天災嚟講,香港同澳門都算係一塊福地。每次有風球嚟,我哋都會聽到大家大叫「八號!八號!」,嘴裡面大叫「天文台今次要做到嘢呀」,跟住全個facebook都會重播子華當年「阿堅阿祥同阿強」嘅一段表演。
 
個風打唔打得成,同埋天文台掛唔掛得耐,從來都係最重要嘅事,但主流意見入面,從來都冇「唔打風就好」呢個觀念。
 
因為香港人大部份都係安逸,大部份人都有瓦遮頭,打風對佢哋嚟講,只係一日假期,並唔係傷亡。街邊嘅露宿者同小動物,大家都只能表示擔心,但風還是要打,假最好都係照放。
 
呢個係一個涉及自身覺悟嘅問題,當然我所講嘅,並唔係話個風係大家念力引返嚟,而係一個氛圍嘅問題。
 
香港人喺香港生活得唔開心,到底係大環境定係自身問題,呢一個位拗到下年都拗唔完。但人有時必需清楚,大環境入面有邊啲可以揀,有邊啲唔可以;自己擁有幾多,同時又未擁有幾多。
 
因為有時候,望住得到嘅生活,同望住未擁有嘅去生活,已經係兩個生活態度。
 
呢一篇嘢係咪好難明?傻豬,生活仲難明呀。
 
薛可正Facebook Page
http://www.facebook.com/sithoching

COMMENT