2017/09/15

男人的Fantasy (一四五)《買一部最新iPhone X 比女友》

2017_09_15_薛可正MenCLub Column
 
網上資料圖片
 
早幾日蘋果又開發佈,最新iPhone X十一月就面世。好多人睇完部機,再睇睇個價錢都會尖叫;女人就為咗部外型上變咗少少,function又多咗少少花臣嘅X而尖叫。而男人呢,就係為咗個價錢而叫。
 
頂你個肺成皮嘢一部,買俾條女走唔甩,但買完俾條女自己唔換新嘅更走唔甩,神鵰都有俠侶啦,新電話點解唔可以有呀。
 
一來一回,未讀過書嘅都計到,一皮加一皮,即係兩皮,未計女朋友心血來潮大叫隻apple watch好靚又跌多一皮嘅話,無啦啦由兩部八成新嘅電話,換兩部全新嘅電話要使多兩皮,好多男人唔尖叫就有鬼。
 
但我話俾大家知,呢啲錢係要使,如果使得起嘅話。
 
都市人壓力大,雖然我哋冇經歷打仗,但係同生活壓力相比,都不外係心理同生理之間嘅磨折嘅分別。
 
女朋友如無意外將一生交托俾你,唔一定要生活好好,但基本都想壓力唔好咁大。
 
咩叫壓力唔好咁大,就係彼此生活嘅洪堤夠堅固,可以遇到任何突發嘅事。就好似人點解要買保險咁,因為阿強個阿媽無啦啦中風、阿豐個老豆又突然出交通意外。
 
呢啲嘢都係我哋始料不及但我哋必須要處理,但處理所有事情上,最基本嘅道具,其實就係錢。生活中如果遇到突發性需要錢嘅事,而另一半又可以從容咁解決,呢啲就係女人要嘅安全感。
 
當然啦,除咗中風同撞車呢啲咁TVB嘅意外,生活入面嘅意外仲有蘋果出咗新機、Celine出咗新袋,同埋Lamer支成皮嘢嘅精華素又返咗貨等等等等…………………………………………………………………………………………..
 
薛可正Facebook Page
http://www.facebook.com/sithoching

COMMENT