2018年05月14日

死亡辣醬”奠” ? 你襯唔襯得起個名先? (上)

話說幾個月前唔知邊度見到呢個packing已經吸引左我好耐,簡潔一個”奠”字就可以話你知包醬有幾辣,無奈當時遍尋不獲;直到上星期,見到HKTV Mall 有得賣,睇返佢個描述仲吹奏到話有3百萬度SHU咁巴辣? 拿講返d 冷知識先,如沒錯(除非錯),暫時世界最辣既辣椒係Pepper X 3.2百萬SHU(https://en.wikipedia.org/wiki/Scoville_scale) ,

而呢條link 就係3條肥佬食溝稀左既Pepper X (https://www.youtube.com/watch?v=C2Poab7MJQI) , 而2017世界鬥辣大賽,齋食辣椒既final round 都係1.57M SHU 既Carolina Reaper(https://www.youtube.com/watch?v=_PFCoX2bcAU) ,

而香港近期話食完個菊花殘就派$5000既肉丸,係70萬SHU(如果入面有原粒辣椒既話就的確不能看輕);再睇返包野既價錢,1舊水左右就話食到全球最辣既辣醬和,真係人一世物一世點都要試下啦(圖1)。

個醬今日中午送到黎(圖2&3),已經開po招勇士陪我試(暫時得1位應徵),見話一盒有6包,所以即晚就十月芥菜咁款,即刻買左隻炸雞返黎搞個開箱文。
好啦,食左一舊冇辣醬既雞打個靚底先(圖4),跟手就開箱 … 咦? 點解個說明書睇極都唔明既,我究竟買左邊隻辣既(圖5&6)? 睇左5分鐘,先發覺原來係我理解能力太低,原來1盒6包醬,每包醬都分左唔同辣度… 咦, 再睇睇, 咁說好的300萬度個包呢?

… …冇既? 即係又俾你誤導啦 #HKTVMALL ! 商品入面其中一段描述話: 6款美國最辣的辣椒醬,最高辣度達3百萬度SHU(再圖1) ,哇! 咁你入面其他商品都可以講到最利害啦,你賣帶子又可以講到世界最大粒既帶子係XXXXXXXXL,賣鑽石又可以話最貴個粒貴過鐵達尼入面粒海洋之心(下刪1億字 … …)

好啦講返正題,最辣個包就同勇者試,開最唔辣個包1號 ,有 600,000 SHU 辣既死亡祭品佐雞啦 … … 初頭食得幾小心,yam左dd(圖7),但食落其實唔太辣,仲甜甜地幾好味添, 嗯,可能因為太細包掛, 不過話就唔辣,講返個辣度比例,其實都辣過譚仔特辣了。

食到後尾,真係有D 失望,所以係食剩最後兩舊雞個時,決定開包4號850,000SHU辣既兄弟屁股在燃燒黎點雞(圖8)黎yam,然後就真係似返d 樣啦,不過個醬始終太細包,辣唔著我個屁股,辣度比例同豚皇8-9級辣差不多啦,10級就未到既,而同我之前開po個隻骷髏頭辣醬(都係好似500,000 SHU)又差d距離咁啦,講住咁多先,下次等埋個勇士黎食埋個閻王醬然後出埋個續集啦。(圖9完事look)

p.s. 菊花到今天還沒殘,但你們不要叫我試菊花殘

圖1

圖1

圖2

圖2

圖3

圖3

圖4

圖4

圖5

圖5

圖6

圖6

圖7

圖7

圖8

圖8

圖9

圖9

Read More
2018年05月09日

永遠懷念阿夫,朋友是一世的。

2018年4月25日

當天清晨5點左右,阿夫選擇了在FB留下簡簡單單兩句說話,離開了大家。

頭幾天,每一分每一秒都想起和你在英國時的生活,及在香港、澳門和泰國時的各樣聚會,亦很真實的夢到你。

FB都不敢打開,只因滿載朋友和阿嫂的種種留言,感到很悲哀。直至,朋友們、老婆和時間的陪伴,開始釋然了,亦在第7天始問候了阿嫂,雖然不算熟(一向喝酒後大家才會好很熟),但只能相信阿嫂收到信息後有某種治癒性便足夠了。

今天就在這情況下描述一下和你從前的日子吧,阿夫。

 

我和你的交情,該有15年了吧。要說是稱兄道弟的交情嗎?不用多說了吧! 我依舊記得每一次喝酒後總會搭在你肩上的這句: 朋友是一世的。

從來,你都是一名樂觀的終極下靶,能為別人帶來話題,帶來無限歡笑; 直接一點,和你一起的定義是: ”在一起便舒服,聚會不能缺少的最後拼圖”。

你還記得,我和阿屎同你一家人去澳門參加污糟大女的壽宴嗎? 我不太記得了,只記得回到香港時,你在碼頭找廁所,明明是在左邊,你看不到標誌,直接選了右邊;我們都不提你,然後等你幾分鐘,終於等到你回來了,你老婆指著你大笑: 廁所係呢邊呀, 碌(指你一下)…撚(再指一下) ! 你說: 我一早知啦,特登既!

你還記得在泰國的兩件事嗎?

第一件事是你在酒店裡不知道吃了/抽了什麼(笑),high 到爆燈哦? 當時只是問你放一隻企鵝入雪櫃的流程,你已經笑到鼻屎都差不多噴到上天花板,問了一輪你都不給答案,只能退而求其次,問了一個更簡單的問題: 唔lock 企鵝啦,lock 大笨象識啦掛, 大 … 笨 … 象 … wor!

又是沒有答案的哦,你當時high 了多少哦?

笑到最後你居然把自己關在露台外,死命不給我開門,那我唯有在隔壁房間的露台問候你好了,然後你是怎樣了呢? 我卻忘記了。

第二件事是你和阿嫂跟了表哥的朋友,一行十多人去酒吧劈酒哦,還記得嗎? 我沒跟去不知道過程是怎樣的high 法,但你和阿嫂酒醉後的互罵、然後在街頭除衫和丟衫的影片、及隔天中午大夥在機舖打機時,你們則睡在槍機等候的照片,我還拿著哦!

這都是近期的事了,再遠一點點,大約5年前, 你曾找阿屎說想來我們這邊公司工作當夜更,我說是傻的嗎,白天做企堂晚上還有精神工作嗎? 再者你住在元朗,公司在火炭,真是傻的嗎?  … …對的,你就是很傻,但為了家庭,傻傻的杠起了很多。

再來遠一點吧, 那晚是你和阿嫂人生的一個重要時刻啊,大個仔結婚了。你當時有多緊張,你自己還記得嗎? 這記憶大概很遙遠了吧!

當晚我亦來了,大家都不太記得我來了,因為這就像是開燈和關燈一樣無關重要的;反倒是,當天晚上的after party更精彩是吧。

再比這時間再遠一點點吧,當時我們相識一年左右,但發生了一件傷了三個心的事情,這事情在這年紀可傷害大了,大到不得了,是三角啊! 當時你們都頂得住嗎? 這是我唯一的一次,見到你流淚。

但到最後,都捱過了啊!

這一次,你怎樣了?

最樂觀的人,原來總是最悲觀的。

一切的流言蜚語,都在此打住。

給阿嫂和阿仔:

我不帶力的說句: 請堅強!

5月17日 寶福山見。

 

31265596_10155413121047647_5756538825673277440_n

Read More
2018年04月23日

借妳首歌做開頭: 慢慢喜歡你 (1)

幾十歲人了,仍記得當年是怎樣戀愛嗎?

坦白一點,你忘記了的話沒關系,因為莫文蔚這首<<慢慢喜歡你>>會把你和終生伴侶當年的甜蜜回憶勾起來。

https://www.youtube.com/watch?v=-lEhWfucJMs

說個故事吧。

我和老婆一起第十三年,當年是在<<森林國度>>論壇裡認識的。

屌! 你用論壇0黎溝女就溝女啦,講咁多。

直接d講,冇錯,正如當年都有好多人用icq 呀qq 呀 msn呀個d 黎溝女,兩個共通點 :

1) 好方便識到異性

2) 先交好個心再見個真身

(當然仲有一個邪惡點,就係同而家0的約炮神器一樣,最後都係想啪啪啪)

當年,有個壇友同我講過一句話,記到而家: 你係個壇度食唔少女啦。

每次佢個名0係fb出現,都諗起呢句話,既諷刺,又帶刺; 但奈何,是事實。

而事實的另一面就係,假若你食既女覺得唔0岩,你會放手,直到搵到0岩個陣就會同佢一起,唔再放手,好命的話就會結婚,老下去。

回題:

當年我和她都一樣在英國大學畢業,而畢業後,我返港找工作(難聽0的講係英國搵唔到工,海漂延續不能),她在倫敦找到一份安穩的工作。

回港後的第二年,我們引証了柏拉圖式的戀愛是真實存在,及莫名奇妙地開始了。

跟住,我每日返工既日常就係用公司電話打俾佢,打到最後老闆話點解近呢兩個月既電話費高過平時幾倍咁0既呢(公司當年外國好出名,賣網絡遊戲金幣)? 當時我笑了,就答: 喂你客多0左呀嘛,打得算少0架啦。

當年每天都聽著孫燕姿的 E-Lover , 歌詞9成符合當刻狀況。

而一堆一堆0既回憶,聽住首<<慢慢喜歡你>>,感覺就上心了,萬能歌詞key:

慢慢喜歡你 慢慢的親密 慢慢聊自己 慢慢和你走在一起 慢慢我想配合你 慢慢把我給你

喂屌你又岔開話題 …

開始還開始啊,但唔通你搞一場大龍鳳之後就算咩? 怎見面呢? 

下次再講。

=)

images

Read More
2017年12月14日

一年半載,Menclub我回來了

來個序

這些日子,相信大家也經歷了一些,也遺忘了我。

說實話,我亦忘記了blog 是怎寫的了。

回頭一看,寫下的,大都是個人經歷,有做荷官的,尋樂子的,3X歲麻甩佬的,對社會無聲控訴的等等… …但這些對人生都是沒用,懇情哈哈一聲(有會心的哈哈更佳)便略過之吧。

那,什麼才算有用?

在閱讀中找共鳴吧,最少程度,選購書時,看blog時,我會是這樣。

讀者找到共鳴,才會投入。

期望,今後的blog可以從找到多數共鳴中出發,同埋能在現實中打少d手遊。

而家有個21個月大女兒的中佬上

 

11445686743_6c11c31f75

Read More
2016年06月10日

與Menclub 再會

回想起在Menclub寫blog都有3個年頭了,這些年來是挺開心的,看Menclub的post ,出了美女mean娜,鋼管美女,一些live話題,去Menclub的function玩樂,而更重要的是,誠蒙厚愛,讀者朋友多了。

做blogger一向是從心出發,產量隨心所好,而我亦十分感激Menclub當年在FB分享我的blog,也讓我和大家有個平台討論話題,說說玩,討論時下。

耐何,有些事情變了,可能是早前的spam ,blog的留言系統關掉了;可能是我的blog不夠好,不曾在fb及newsletter出現了;有些我喜歡的blogger,也潛水了,留下來的,是知名的,是比我好的吧;互動的function少了,可能是我比較好動吧;有些方針,好像變了,想瀏灠的欲望少了,我亦懶惰了,在Menclub 寫blog的產量也少了;

而最後卻是,我脫出了。

想起幾年前收到Menclub致bloggers們的電郵,內容很感鼓舞,而本人亦在此希望Menclub,生意興隆,開心事成! =)

再會!

 

index

Read More