2020年07月05日

[#體檢二三事] 血壓新方針 – 如何界定高血壓?

如何界定高血壓

 

最近啲新聞, 日日新鮮日日甘, 正所謂, 「心血少啲都死」.

要保持心血管健康, 第一道防線一定係血壓維持在健康水平, 咁上下壓幾多先算高? 上壓130? 140? 150? 幾多先要吃藥?

國際高血壓協會 (International Society of Hypertension, ISH) 今個月頭公佈最新關於評估血壓指示, 內容如下:

於家/室內量度血壓:
正常血壓: <130mmHg (上壓), 和 <85mmHg (下壓)
正常偏高: 130-139mmHg (上壓), 和/或 85-89mmgHg (下壓)
第一級高血壓: 140-149mmgHg (上壓), 和/或90-99mgHg (下壓)
第二級高血壓: ≥160mmgHg (上壓), 和/或 ≥100mgHg (下壓)

當然, 如果只係一次半次高血壓, 有可能是假陰性, 例如好多人客老是向我埋怨, 平時有喺屋企定時量度血壓, 明明喺屋企度個指數好靚, 唔知點解一去到診所或者體檢中心就會超標 (當然有可能係有啲緊張, 或其他外在因素).

但係如果連續一段時期都係高血壓, 例如上下壓超過一年高於≥135/85 mmHg, 亦已算做高血壓.

當發現高血壓, 建議馬上做個全身檢查. 從來高血壓都只係病徵, 背後有幾十樣可能原因導致高血壓: 肥胖, 不良飲食習慣, 食煙飲酒, 體內鉀質鈉質失衡, 血糖血脂超標, 肝腎功能下降, 心電圖異常等, 全部都有機會導致血壓異常. 一定要找出導致高血壓的元兇, 對症下藥, 才能改善高血壓情況.

Ref: https://www.ahajournals.org/doi/10.1161/HYPERTENSIONAHA.120.15026

Annie’s FB: https://www.facebook.com/AnnieLeeDiet/

#高血壓 #Hypertension
#營養師 #Nutritionist #AnnieLee

Read More
2020年03月30日

「趁熱食」?小心患上食道癌

81564615_2778713008854685_6187689852121645056_o
十個男人,九個食得快。女仔慢慢吹凍細啖食,男仔已經狼吞虎嚥幾啖食晒。食完坐著無聊,通常都喺度打機或睇電話。(當然亦有好多女仔吃得快,但相對,男仔慢慢吃的真的很少。)

食得快,唔止會影響消化:如果熱食,特別是湯粉麵、打邊爐、燒烤,食物溫度高,「趁熱食」,仲會增加患上食道癌的風險。

以前老一輩常說食飯要趁熱食,凍咗無益。如果啲食物煮熟後擺放時間過長,例如幾小時,會容易有細菌滋生,但其實並不影響營養攝取。
相反,如果經常進食過分灼熱的食物,反而會增加患上食道癌的風險。

根據香港衛生防護中心數字,每年大約四百多宗食道癌的新症,但當中男性佔八成,女性只佔兩成。這,可能跟生活習慣有關。

什麼因素會增加患上食道癌的風險?
- 男,60歲以上
- 吸煙
- 飲酒
- 經常進食燙熱食物
- 經常進食腌製的食物
- 肥胖

除咗性別同年齡冇得改變之外,以上其他全部都係一啲生活習慣可以改善的地方。

所以,要珍惜健康,尊重食物,應該慢慢咀嚼,放鬆心情吃。

FB: https://www.facebook.com/AnnieLeeDiet/
Read More
2019年02月18日

「少.確幸」Day 1 – 豆腐蜆肉紫菜湯

tofu clam soup

終於過晒新春拜年同情人節呢啲大吃大喝的日子, 係時候清吓腸胃. 最近獲由食物及衞生局、食物環境衞生署食物安全中心,以及降低食物中鹽和糖委員會「少鹽、少糖、少.確幸」項目邀請, 參與 「少.確幸」三天挑戰, 連續三天分享3款 「少鹽少糖」的食譜.

第一天分享嘅係「豆腐蜆肉紫菜湯」. 豆腐有鈣, 蜆肉有鐵, 兩者都有豐富蛋白質; 仲有紫菜含有豐富碘質, 除了有助肌肉和骨骼健康, 預防貧血, 仲可以維持甲狀腺功能健康.

而蜆肉和紫菜本身有海鹽, 個湯唔需要額外加鹽已經有味, 如果想再香啲, 可以先用少許薑蒜炒香啲蜆, 再加豆腐和紫菜煮十零分鐘, 簡單方便, 大人小朋友都啱飲, 煮一人份量都得, 仲符合少鹽少糖的標準添!

材料 (1人份量):
- 豆腐 (1/2 磚)
- 蜆 (6隻)
- 紫菜 (5克)
- 薑, 蒜頭, 油 (少許)
- 水 (2碗)

做法:
- 先將蜆浸水, 讓蜆吐沙
- 將紫菜浸水, 簡單清洗
- 用薑, 蒜炒香蜆肉
- 加入豆腐, 水, 先用大火煮滾
- 放紫菜, 轉中火, 再煮五分鐘
完成!

https://www.facebook.com/AnnieLeeDiet/

#少鹽少糖少確幸 #223一同見證世界紀錄 #RSSChallenge #少確幸三天挑戰

#HKNS #香港營養師學會 #大館

#營養師 #Nutritionist #AnnieLee

Read More
2019年01月03日

飲酒的迷思 (中) 溝酒易醉啲?

Alcohol 2
關於飲幾多先算過量? 如何無咁易醉? 聚說紛紜。有人話溝酒飲特別易醉; 亦有人話飲酒後食啲肥膩 (例如吃舊牛油), 或煎炸食物可減輕宿醉。究竟邊樣先係真?

溝酒會易醉這說法其實沒有什麼科學根據,無論一種酒或多種酒,都是靠肝臟分解酒精. 令我們醉的,是酒精的總含量和濃度,而非酒的種類。不過如果飲單一種酒 (如啤酒), 會較易知道自己飲了幾多,較易自制。反而混合酒 (如靚靚的cocktail雞尾酒), 因為幾種酒連其他果汁混和,容易喝多了也不自覺。

而吃肥膩食物以延緩宿醉,喝酒前吃或許有少少幫助;但如飲完酒後才進食,酒精已進入血液,再吃什麼都幫助不大,反而酒+油更易令人有反胃感, 更頂胃更易嘔。

開party或聚餐,喝一兩杯無可厚非,但唔覺唔覺飲多幾杯,除了卡路里易超標,亦好易醉。而且酒精會加重肝臟負擔,令身體毒素囤積,引致其他健康問題, 長遠會引致高膽固醇, 以及脂肪肝。

至於是否先喝啤酒再喝烈酒更易醉,酒宿後喝杯咖啡提神有無效等其他迷思。。。下次再解釋。

飲酒的迷思 (上) : 邊種酒無咁肥?
http://bit.ly/2LCAize

https://www.facebook.com/AnnieLeeDiet

#酒的迷思 #宿醉 #飲醉酒 #解醉方法
#營養師 #Nutritionist #AnnieLee

Read More
2018年12月30日

飲酒的迷思 (上) : 邊種酒無咁肥?

alcohol 1

每逢年尾, 特別多節目, 又特別多飯局. 就算平時無咩酒癮, 但一班朋友聚會, 或其他喜慶場合, 手上總會拎住一兩杯; 而閨密聚會, 又特別鍾意揀啲靚嘅特別嘅cocktail, 好唔好飲係其次, 最緊要Selfie打卡.

平日見客, 最常問關於飲酒的問題包括:
“邊種酒無咁肥?”
“Cocktail 係咪無咁肥?”
“飲酒前食啲咩無咁易醉?”

首先要接受一個壞消息: 
酒精本身含高熱量 (卡路里), 一克酒精含7卡路里, 比起飯 (澱粉質) 和肉 (蛋白質) 仲要高, 而且液體飲料, 身體會快速直接吸收. 所以任何含有酒精成份的飲品, 都一定有熱量, 再加上其他成份如小麥, 果汁等, 幾杯酒精飲品, 分分鐘肥過食一餐飯.

而一眾酒精類飲品當中, “邊種無咁肥?”

順次序的話,最低熱量是:
1) 兩shot 清酒 (80kcal / 60ml); 其次是
2) 一杯紅 / 白酒 (紅酒和白酒卡路里相約) (84kcal /100ml); 之後是
3) 半品脫 (Pint) 啤酒 (108kcal/250ml),
而最致命當然是一杯加了果汁, 以及混合了幾種烈酒的雞尾酒。例如一杯椰林風光雞尾酒 (Pina Colada), 一杯200ml (未計冰) 有 474kcal, 等於6片麵包了.

至於有人會飲酒前食飽啲, 或進食大量脂肪類食物 (例如專登食舊牛油), 認為無咁易飲醉. 其實吃飽了, 只會令酒精延遲進入血液, 但無助消醉. 而且高卡路里食物配高卡路里飲品, 一晚過後, 要花多起碼幾倍時間消耗, 極不化算.

如果真係唔覺意 “飲大咗”, 身體會流失大量電解質, 而且酒精亦會成為毒素, 要靠肝臟分解排毒. 除了要大量飲水外, 第二朝不妨以雞蛋, 生果拼盆作為早餐. 因為雞蛋含有Cysteine (半胱氨酸), 有助肝臟排毒. 而生果 (或椰子水) 含多種微量營養素, 有助補充電解質.

小飲怡情, 別因為一時忘形, 飲多幾杯, 傷了身, 又破壞了修身大計呵~~

至於其他飲酒迷思, 例如溝酒飲係咪特別易醉? 咩顏色嘅酒先無咁易醉? 會陸續分享~~

https://www.facebook.com/AnnieLeeDiet

#飲酒 #邊隻酒唔肥 #酒精熱量
#營養師 #Nutritionist #AnnieLee

Read More