2015/10/23
運動前後食咩好?
To Eat or Not To Eat, 是大部份運動人士煩惱的問題.
空肚做運動, 怕不夠氣力, 而且容易血糖低, 頭暈; 吃飽了做, 又怕消化不良, 而且對減肥好像幫助不大.
運動後呢, 有人說幾小時內不要進食, 怕身體好吸收, 最後越做越肥; 但如之前已經沒有吃什麼就做運動, 之後又不吃, 豈非鍊仙? 而且晚上又話睡前幾小時不要進食…… 總之好像是, 食又唔好, 唔食又唔好.
首先, 上番少少Bio 堂: 運動前的營養是用來穩定血糖, 避免血糖過低, 影響運動表現; 另外, 身體需要蛋白質和大量水份, 以促進血液流動, 運送營養能量給肌肉. 所以食物需要是低脂, 但有好的蛋白質和少量澱粉質, 例如一份吞拿魚, 或火雞麥包三文治, 加一個生果.
運動後, 身體需要補充流失了的水份和營養, 包括肝醣 (Glycogen), 亦需要補充蛋白質以助修補和增加肌肉細胞.
補充肝糖, 可以選擇生果, 穀物Cereal, 果仁等, 而好的蛋白質食物, 例如蛋白, 脫脂奶, 低脂乳酪, 低糖豆漿, 雞肉, 吞拿魚等, 都是運動後對身體有益的食物. 有很多研究顯示, 運動後一至兩小時內進食蛋白質類食物, 有助肌肉增長, 長遠來說, 有助提升新陳代謝以及運動表現.
但, 當中的最大技巧在於: 你的 “運動”, 究竟消耗了多少? 需要補充多少? 一小時的運動, 打拳, 快跑, 器械, 球類運動, 健康舞, 快做慢做都有分別呵. 為什麼有些人越做越肥, 就有可能因為吃的補充的, 還多於消耗的.
不過, 就算吃多了吃少了, 做運動的好處豈只是増肌減肥那麼少?! 只要肯動起來, 一定是利多於弊的.
COMMENT