2016/12/22
強化關節 – 先從營養入手
踏入年尾，又臨近聖誕、新年，應酬自然多；再加上天氣凍，又多一個藉口唔做運動。
不過做運動似滾輪，越做越起勁；相反越少運動，身體越見疲倦，特別容易覺得腰酸背痛，關節痛、肩頸痛…連帶越來越懶，關節骨骼更加容易退化，或誘發炎症等問題。
要強化關節和骨骼，除了要保持運動量，亦要加強營養平衡和吸收。
最近幫一隻產品寫有助保護關節和預防骨質流失的 “5個C”, 大家不妨留意吓:
C for Collagen – Collagen (膠原蛋白) 有助加強骨骼嘅韌度，以及修護關節；食物來源包括牛筋、花膠、豬軟骨等。
C for Vitamin C – 維他命C 有助身體吸收和運用膠原蛋白；食物來源包括柑橘類生果、燈籠椒等。
C for Calcium – 鈣質係骨骼嘅其中一種主要成份，加強鈣質攝取，有助預防骨折和骨質疏鬆等情況；食物來源包括牛奶、沙甸魚 (連骨食) 等。
C for Fatty aCids – 好嘅脂肪酸，特別係奧米加三脂肪酸 (Omega-3 Fatty Acids) 有抗炎嘅作用，有助保護關節，預防發炎情況；食物來源包括深海魚如三文魚、鯖魚等。
C for Cruciferous Vegetables – 十字花科類蔬菜, 除咗含有豐富抗氧化成分，有助保護和修補關節細胞外，更含有一種重要嘅微量元素MSM (有機硫化物)，有研究顯示，MSM有助舒緩關節炎症和痛症*。
COMMENT