2017/02/11

跑馬拉松做足準備 – 營養師 + 健身教練的小貼士

marathon 2017

仲有兩日就到一年一度的馬拉松日,除了練跑,賽前賽後的營養和生活習慣調整都好重要。今次找來好友加健身教練Eugene, 為大家提供一些馬拉松前後要留意的小貼士。

飲水 – 跑步當然要飲水,但原來並非跑步當日先飲,而要賽事前兩三日已經開始每天額外多喝幾杯水,特別是加了電解質的水 (但要無糖). 預早為細胞補充電解質如鉀,鎂等,有助提升賽時的表現。

休息 – 充足的睡眠當然有助發揮表現,馬拉松天未光就起跑,參賽者需要比平時早起,所以應該預早幾日適應生理時鐘,減少OT應酬,早睡早起。

比賽過後,一定要拉筋, 起碼20-30分鐘。一方面放鬆肌肉,另一方面加速帶走乳酸 (Lactic Acid), 有助舒緩劇烈運動後的肌肉痠痛。

而長時間劇烈運動,細胞損耗大,應於運動後連續幾日進食易於消化吸收的食物,例如牛奶,雞蛋,米飯,生果等,切忌大吃大喝,特別是煎炸食物和酒精飲品,否則除了越食越攰,更容易多出一個肚腩。

最後最後,比賽第二,安全至上。各健兒加油!

更多營養資訊: https://www.facebook.com/AnnieLeeDiet/

#馬拉松Tips #渣馬 #10K #半馬 #全馬 #馬拉松注意事項 #補充水分#乳酸 #LacticAcid #安全至上
#營養師 #AnnieLee

COMMENT