三高, 好多人都知係邊三高: 高血壓, 高血糖, 高血脂. 衛生署最新嘅資料顯示, 2014/15年共有 290萬人患有高血脂; 165萬人有高血壓; 49.7萬人有糖尿病.

不過最誇張的是, 全港成年人, 推算約有50%屬於超重和肥胖, 體重指標BMI 高於23. 即約297萬港人有超重問題.

雖然大家都知道 “食得健康啲, 做多啲運動” 有助預防三高以及保持健康體重, 但知而行難, 尤其是天氣凍, 又過時過節, 總會食多咗, 又郁少咗.

早排獲邀到一間健康產品公司分享如何輕鬆踢走三高, 其實除咗要控制飲食, 好多健康食物都有助穩定血糖血脂. 例如水溶性纖維, 好的脂肪, 以及含酵素的食物.

所以一味食得清, 食得齋, 未必等於健康.

就快2018, 新一年, 希望大家重拾健康.

https://www.facebook.com/AnnieLeeDiet/
#三高 #高血壓 #高血糖 #高血脂 #肥胖 #心血管健康
#水溶性纖維 #好的脂肪 #酵素食物
#營養師 #Nutritionist #AnnieLee

Health 個回應 | 28,322 個已瀏覽 | 分類: Annie Lee, Nutritionist, 三高, 好的脂肪, 心血管健康, 水溶性纖維, 營養師, 肥胖, 酵素食物, 高血壓, 高血糖, 高血脂|

冬天濕度低, 皮膚好易乾燥爆拆, 唔知你有無定時搽潤膚膏的習慣呢?

好多人 (特別是男士) 以為, 搽cream 搽lotion 係貪靚的人先會做, 自己既不是姿整貪靚, 又未去到皮膚龜裂爆拆, 所以一年四季都好少搽cream.

但原來, 有幾類人士, 任何時間都應該為皮膚保濕, 保持滋潤.

 皮膚敏感 (如濕疹)
 長者
 過瘦 / 減肥人士
 高血糖 / 糖尿病患者

皮膚敏感, 如濕疹的護理, 已常有不同的醫護人員提供建議, 今次不多介紹, 反而想提一下高血糖和糖尿病患者.

血液的糖份高, 除了會影響血液循環, 亦會影響傷口癒合. 而天氣乾燥, 皮膚容易痕癢, 唔覺意抓兩抓就有機會流血, 一有傷口就容易引致細菌滋生, 加大傷口發炎情況, 嚴重的更有機會出現傷口潰瘍.

所以高血糖人士, 要小心保護皮膚, 避免擦損, 抓傷皮膚. 定時搽潤膚露, 特別是手踭, 腳踭, 以及其他摺位, 是最簡單的皮膚護理, 當然, 長遠的方法, 是調節飲食和生活習慣控制好血糖啦.

https://www.facebook.com/AnnieLeeDiet/

#皮膚乾燥 #爆拆 #搽cream係正常事
#糖尿病 #傷口護理
#營養師 #Nutritionist #AnnieLee

Health 個回應 | 21,388 個已瀏覽 | 分類: Annie Lee, Nutritionist, 傷口護理, 搽cream係正常事, 營養師, 爆拆, 皮膚乾燥, 糖尿病|

牛奶, 分新鮮牛奶 (Milk), 同牛奶飲品 (Milk Products / Beverages).

鮮牛奶係咪最健康? 牛奶飲品係咪一定無咁好?

其實未必. 不過添加成份同數量越多, 越容易影響本身牛奶的營養價值, 而且研究發現, 有牛奶飲品竟然含高達13種添加劑! 包括單、雙甘油脂肪酸酯 (乳化劑)、微晶纖維素 (乳化劑、穩定劑)、卡拉膠 (增稠劑)，六偏磷酸钠 (酸度調節劑、穩定劑) 等。個別樣本亦包含碳酸鈣 (鈣補充劑)、葉黃素 (色素)、胭脂樹橙 (色素)、吐溫80 (乳化劑)等不同用途的添加成分.

有無諗過, 原本飲奶係因為方便 / 味道好 / 有營養, 但反而飲埋咁多添加劑落肚, 當中仲有啲唔合格, 令魚胚胎測試樣本出現中毒情況添.

獲 Vitargent 水中銀 邀請, 參與有關牛奶安全的新聞發佈會, 分享有關不同年齡的大小朋友應該如何選擇牛奶或牛奶飲品.
新聞發佈會中, 公佈了46個品質卓越的樣本, 代表產品於急性、慢性毒物檢測與及成分篩查中表現理想，消費者可以安心選購.

正如水中銀首席執行官杜偉樑先生常提醒, 認產品, 唔好認牌子. 今次公佈的牛奶產品, 未必代表旗下所有系列都同樣品質卓越, 所以大家不妨睇吓有無你平時飲開嗰隻?

各大傳媒相關報導:

經濟日報/TOPick 新聞: 牛奶含13種添加劑愈飲愈毒 　46款安全牛奶清單
http://bit.ly/2A4Hy0M

頭條日報: 機構籲選較少添加劑產品 牛奶急性毒物測試18%不合格
http://bit.ly/2zitIH2

晴報 Sky Post: 2成牛奶毒性測試不合格 有樣本含13種添加劑
http://bit.ly/2iM8D1n

都市日報: 兩成牛奶毒測「肥佬」http://bit.ly/2BD3IaH

am730: 兩成牛奶產品未通過生物毒性測試 脫脂奶表現較佳 http://bit.ly/2BqkdGr

星島日報: 兩成牛奶樣本急性毒檢測不合格 或對人體健康有害 http://bit.ly/2jEx9RF

Oh爸媽 – ohpama.com: 兩成牛奶樣本急性毒檢測不合格 或對人體健康有害
http://bit.ly/2B6EkZZ

on.cc 東網／東方日報: 科技公司毒性測試18%牛奶樣本不合格
http://bit.ly/2B8sEpH

大公報: 生物科技公司水中銀測試市面68種牛奶產品 發現有12種（18%）具有潛在健康風險http://bit.ly/2Bhx26H

文匯報: 「斑馬魚」驗牛奶 兩成有毒http://bit.ly/2i8p33g

香港商報: 近兩成牛奶急性毒檢不合格http://bit.ly/2zXo29y

FB: https://www.facebook.com/AnnieLeeDiet/

#牛奶 #牛奶飲品 #Milk #MilkBeverage #添加劑
#新聞發佈會 #PressConference
#Vitargent #水中銀 #小魚親測 #FishQC
#轉基因鯖鱂魚 #斑馬魚 #胚胎毒性測試技術
#營養師 #AnnieLee

Health 個回應 | 16,075 個已瀏覽 | 分類: Annie Lee, Fish QC, Milk, Milk Beverage, Nutritionist, Press Conference, Vitargent, 小魚親測, 斑馬魚, 新聞發佈會, 水中銀, 添加劑, 營養師, 牛奶, 牛奶飲品, 胚胎毒性測試技術, 轉基因鯖鱂魚|

家中長輩年過八十，有三高問題，過去多年都食得健康。不過可能因為味蕾退化，開始越吃越酸，無論上茶樓飲茶，還是在家吃飯，都喜歡加大量紅醋，有時剩下些少，甚至一匙匙來喝。我懷疑他無論吃什麼，都是同一種味道。呷醋真是那麼好？

紅醋，又名大紅浙醋，一般用糯米製成，再加入紅米麴作色。平時出外飲食，會加點在海鮮如翅，或雲吞麵中，中和海鮮的腥味，和麵的鹼水。

除了浙醋，醋家族還有很多種，例如外國人常吃的白醋，近年健康產品常見的蘋果醋等。

醋因為含高酸性，能刺激胃酸和唾液分泌，促進食慾。但同時，醋的酸性能降低食物中的總升糖指數 （Glycemic Load), 減慢升血糖的速度，增長飽肚感。所以高血糖，或需要體重管理的人士，不妨於飲食中呷呷醋。

不過，糖醋魚，黑醋骨等餸菜除了醋還加了糖，不是同一回事啊。

FB: https://www.facebook.com/AnnieLeeDiet
#健康飲食 #紅醋 #升糖指數 #呷醋有益 #浙醋

#營養師 #Nutritionist #AnnieLee

Health 個回應 | 3,161 個已瀏覽 | 分類: Annie Lee, Nutritionist, 健康飲食, 升糖指數, 呷醋有益, 浙醋, 營養師, 紅醋|

最近睇了 “打死不離三父女” (Dangal), 雖然片長161分鐘，但無冷場。感動，緊張，正能量滿瀉。由中場開始有幾次感動落淚，絶對值得推介的好戲。

除了故事精彩，背後大家付出的努力亦不容忽視。

印度影星阿米爾罕 Aamir Khan, 為了傳神演繹這個教練父親的角色，短時間內增加體重至 97kg (213lbs), 脂肪比例 38% (即身體有81lbs 脂肪）；然後於5個月內，減去25kg (55lbs)體重，脂肪比例下降至最 Fit 的約 10%.

由大肚腩，肉騰騰，至爆肌型男，究竟是如何做到的呢？

阿米爾罕早前接受印度Indian Express 訪問時表示，他的減肥方法，包括以下幾點:

1. 每天限制熱量攝取，就以他自己為例，營養師會幫他安排每天攝取約 2500kcal的食物，但要肯定每天運動消耗量要大於此數

2. 食物營養比例為 20% 好的脂肪; 30% 蛋白質，50% 碳水化合物

3. 每天運動量約6小時，包括做帶氧和負重運動

4. 每天睡10-12小時，讓身體有時間恢復

5. 最後一點，亦是最重要的一點: 定下目標，以及有支援你的團隊。好多時人減肥，開頭一定好有動力，慢慢會有惰性，會迷失，然後進度慢下來，最後減肥計劃失敗。所以有目標和有人定時鼓勵是很重要的。當然，如果有專業團隊可以提供意見，就更加事半功倍。

當然，這絶對是進取形的極速減肥方法。而以上幾點，看似簡單，但知而行難。不過是真正不靠節食，不需藥物的天然方法。大家不妨用來參考一下。

更多營養資訊: https://www.facebook.com/AnnieLeeDiet

#打死不離三父女 #Dangal #阿米爾罕#AamirKhan #印度劉華
#減肥方法 #減脂肪
#營養師 #Nutritionist #AnnieLee

Health 個回應 | 4,046 個已瀏覽 | 分類: Aamir Khan, Annie Lee, Dangal, Nutritionist, 印度劉華, 打死不離三父女, 減肥方法, 減脂肪, 營養師, 阿米爾罕|