2016/07/05

為左睇煙花你可以去到幾盡

sydnye

自駕遊 – 澳洲(10) 一生起碼睇一次

 

Facebook Page http://www.facebook.com/drivingtour

 

嚟到除夕﹝2015年12月31日﹞係今次澳洲自駕遊嘅重頭節目,為左要係悉尼睇煙花匯演倒數迎接2016年,我係半年前﹝2015年6月﹞已經買定機票同book定酒店,之後就上網睇下參加邊一個倒數活動價錢係比較經濟。

 

由酒店前往Darling Harbour影片: https://www.youtube.com/watch?v=MgJLP-XF4n8

 

最後就選擇左坐船去Goat Island睇煙花,票價係每人$195AUD。有來回船係Darling Harbour接載大家去Goat Island,佢有兩個上船時間,要霸靚位就一定要買第一班船啦!

 

購買前往Goat Island船票網址: http://www.moshtix.com.au

 

我中午去到Darling Harbour周圍行,坐渡輪穿越悉尼大橋去歌劇院。歌劇院周圍已經人山人海,好多人幾日前已經露宿等待。而任何面向大橋嘅岸邊同海灘都迫滿人,為左睇煙花大家都可以去到好盡。

 

坐悉尼渡輪影片: https://www.youtube.com/watch?v=36xxR8bog4Q

 

每次嚟到澳洲都會係Baskin Robbins雪榚店到食雪榚,唔食唔安樂。可惜香港無啦!最近都要去到台灣先有。

 

Baskin Robbins影片: https://www.youtube.com/watch?v=F0KUH3zSnTo

 

到左下午6點鐘,係時候坐船去Goat Island。不過緊張之餘都要注意安全,係船上面有工作人員講解要留意嘅地方,同埋叫大家唔好跑。Goat Island係一個禁區,只會係特別日子對外開放。由於係禁區關係,進入嘅遊客亦限制係800人以內。有人數限制之下,咁大家就可以輕輕鬆鬆睇煙花,唔駛好似Opera House個邊咁擠迫。而且有人帶埋大機去播歌,基本上整個環境都好熱鬧。

 

坐船去Goat Island影片: https://www.youtube.com/watch?v=nQJNmVRIKEI

 

悉尼除夕煙花匯演嘅活動安排係好好,活動由下午開始有花式飛行表演、有遊艇巡遊、到晚上9點有提前煙花匯演。每逢電視新聞直播時間,都有直昇機飛近群眾拍攝,大家又會好興奮咁向住直昇機揮手。所以就算你係晨咁早嚟左霸位,都唔會無聊到整日只係玩手提電話。

 

遊艇巡遊及提前煙花影片: https://www.youtube.com/watch?v=aKAHToYIkM0

 

9點煙花warm up左大家之後,係12點59分就開始一分鐘倒數。大家睇住大電視,一齊準備迎接2016年。我前面剛好有一對戀人,佢地好sweet咁睇煙花。放完煙花之後,大家都見到燒著左條橋。哈哈!

 

悉尼除夕煙花匯演影片: https://www.youtube.com/watch?v=bhoxj9wt7PU

 

睇完除夕煙花匯演之後,勁多人係街上面,入鐵路站一樣迫滿人。本來以為要幾個鐘頭先返到酒店,但因為秩序良好,我排左一陣已經入到鐵路站,2點鐘已經返到酒店。

 

人山人海影片: https://www.youtube.com/watch?v=JjSYBkFB7kM

 

悉尼嘅除夕煙花匯演真係好壯觀,要親臨其中先可以感受到個種興奮,同睇電視嘅感覺差好遠,所以呢一個event絕對係人生必定要參與一次嘅活動。

 

COMMENT