2019/01/12

愈討厭嘅人愈會出現

download-1
 
網上資料圖片
 
大家有無發現,身邊硬係會出現幾個完全睇唔順眼嘅人,奈何可能你係同佢打同一隊波、同一個組織共事或同事,無辦法唔合作,不嬲都唔會諗住同佢做到咩好朋友,但一個團體中,性格上差異太大,埋唔到堆又要想埋堆嘅人,見得多會好火。
 
具體講吓,即係你同咩人做朋友,好明顯嗰類人同你性格差唔多,例如你玩得、鍾意講無聊嘢加埋成班人正氣,你唔會搵個假到爆,完全講句嘢都知佢係吹緊水嘅人做朋友啦吓話?咁對方當然都會有自己班朋友,乜嘢人吸引返嗰類人,正常啊!
 
最慘係咩呢?成個團體大部份人好陽光,永遠一個圈入面梗有類人,一出現成個氣氛會令到個空間變晒啦!佢好似有層灰色嘅霧氣包圍住佢嘅身體咁,佢好想扮到好Q健談加入到你哋,但係人都知佢做緊戲,假到核爆,嗰款一行出嚟明明就係奸角,學咩人想埋堆?
 
你開始明我講邊款「有樣睇嘅陰濕小人」未?呢類人呢,最鍾意扮晒善良、唔講粗口、陰陰濕濕、扮晒大仁大義、好似好有原則、以為自己好勁、覺得全世界圍住佢轉以佢為中心。
 
然後成堆人入面一見到佢就唔想同佢講嘢,無人覺得佢勁,亦無人認為佢幫到手,經常擦存在感,你同你班老友唔洗夾定都知食lunch要用盡方法洗走佢,否則連少少放鬆嘅時間都無埋!
 
人生就係咁,無可能個個做到朋友,但其實呢類人點解死要纏住晒?佢feel唔到人哋唔鍾意佢?佢唔知自己好討厭?不過,教大家一招,對住呢類假面人,對佢老實不客氣就得,係唔想同你食,係唔鍾意你,2019年大家有勇氣向反感說不!
 
羅碧芝 Facebook Page
www.fb.com/gigilawpg
IG: gigilaw1113

COMMENT