2019/02/15

講對唔住有咩用?

25024014_136187850406168_6647273703803453440_n
 
網上資料圖片
 
男士們人生中要道歉嘅比率,一般都比起女士多。細細個做錯事,已有一堆女人教你要講對唔住呀!認錯呀!嗰堆女人咪你呀媽同老師囉!你都唔知講句對唔住有咩用㗎?但好似講完就會無咗件事,大人細路都原諒你,咪講囉!
 
然後人大咗,道歉加悔過係必須,即係你中學做錯嘢!要罰留堂寫悔過書,記吓缺點咁囉!但有邊個寫完悔過書係有反省?都係為咗滿足訓導老師台戲!唔做大家唔洗收工!由中學開始,但凡有同學要留堂要被罰,即使佢道唔道歉,因為你覺得對方有報應啦!你都會內心好過少少,起碼佢恰完你都有後果呀嘛!
 
去到職場,大家都知道,道歉已經唔係真心定假意問題,秒秒鐘幾廿幕上落嘅香港,今時今日!道歉有用咩?道咗歉,喺地鐵巴士車廂中,咪又係每日有咁多人打交鬧交!你喺條街唔小心踩到人,你自然反應講句:「sorry!唔好意思!」個位小姐嬲到「zip」你一嘢再加啤到你眼都跌出來啦!唔請佢踩返你咩?試吓踩到佢係古天樂,佢個死人樣都唔係咁啦!
 
男女朋友之間嘅道歉,坦白講,日常生活小事做錯嘢,道歉俾大家落台階,但講到大事,例如綠帽呢類,乜道歉有用咩?
 
其實道歉從來都係令自己好過嘅一種工具,令自己做錯嘢後個人舒服少少,但做錯之前,無諗後果?人與人之間點為知令人感情受傷害,大家係人,邊有可能唔知?做咗,又話後悔,又話改過,呢類說話通通都係廢話,由一開始唔做,唔係已經無煩惱?
 
所以永遠搞三搞四嘅男男女女,如果搞到有咩事都無得怪人,人類最原始嘅時候,你打佢一掌佢咪打返你一巴,道歉?你估咁易俾你過關咩?唔好天真啦!
 
男士們人生中要道歉嘅比率,一般都比起女士多。細細個做錯事,已有一堆女人教你要講對唔住呀!認錯呀!嗰堆女人咪你呀媽同老師囉!你都唔知講句對唔住有咩用㗎?但好似講完就會無咗件事,大人細路都原諒你,咪講囉!
 
然後人大咗,道歉加悔過係必須,即係你中學做錯嘢!要罰留堂寫悔過書,記吓缺點咁囉!但有邊個寫完悔過書係有反省?都係為咗滿足訓導老師台戲!唔做大家唔洗收工!由中學開始,但凡有同學要留堂要被罰,即使佢道唔道歉,因為你覺得對方有報應啦!你都會內心好過少少,起碼佢恰完你都有後果呀嘛!
 
去到職場,大家都知道,道歉已經唔係真心定假意問題,秒秒鐘幾廿幕上落嘅香港,今時今日!道歉有用咩?道咗歉,喺地鐵巴士車廂中,咪又係每日有咁多人打交鬧交!你喺條街唔小心踩到人,你自然反應講句:「sorry!唔好意思!」個位小姐嬲到「zip」你一嘢再加啤到你眼都跌出來啦!唔請佢踩返你咩?試吓踩到佢係古天樂,佢個死人樣都唔係咁啦!
 
男女朋友之間嘅道歉,坦白講,日常生活小事做錯嘢,道歉俾大家落台階,但講到大事,例如綠帽呢類,乜道歉有用咩?
 
其實道歉從來都係令自己好過嘅一種工具,令自己做錯嘢後個人舒服少少,但做錯之前,無諗後果?人與人之間點為知令人感情受傷害,大家係人,邊有可能唔知?做咗,又話後悔,又話改過,呢類說話通通都係廢話,由一開始唔做,唔係已經無煩惱?
 
所以永遠搞三搞四嘅男男女女,如果搞到有咩事都無得怪人,人類最原始嘅時候,你打佢一掌佢咪打返你一巴,道歉?你估咁易俾你過關咩?唔好天真啦!
 
羅碧芝 Facebook Page
www.fb.com/gigilawpg
IG: gigilaw1113

COMMENT