2019/03/09

曼聯就係原罪

unnamed
 
網上資料圖片
 
有個反曼嘅老友好激動,一大早WhatsApp我,問我PSG球手球,球證啱定錯,講一大輪自己嘅睇法之後,叫佢俾條片嚟睇吓先,場波我都無睇,都唔知發生咩事!睇完之後,我堅係中立嘅角式問佢幾個問題:「手球個球員跳起轉身為乜?」「有無時間跳起轉手然後隻手俾個波射中?」「你覺得呢球波係咪預期之內?」佢諗完一大輪就無再同我講嘢……
 
其實我講呢單嘢啱定錯都好,當一個人存在偏見嘅時候,無論咩答案都唔想聽,只係想你無條件話佢嘅諗法啱!絕少少呢係可以直接答:「曼聯入咗8強啦!」咁當然,對方雖然處於激動嘅狀態,想說服人哋自己係正確嘅,想拎理據去批評一件自身存有偏見嘅事,求知慾係零,純粹拎個支持點,對呢種朋友,第一樣嘢係要佢冷靜,唔冷靜,講乜都無用!
 
呢篇嘢唔係想講球波嘅!睇完VAR先判,無乜好爭議,重點係邊隊波發生。我呀媽唔明我做乜咁鍾意睇于正嘅宮廷劇,其實劇入面,用把口去贏人,用說話技巧講到件事順利過關,令他人介心降低,的確有好多學習地方。
 
靠把口喺社會上生存嘅人,多的是,靠造謠生事,用是非成功傷害他人嘅人,亦多到數唔到!我從來都信,一句說話會令人走去自尋短見,每日一句,每個鐘一句,積積埋埋,係好易令人爆。說話係好強嘅殺傷武器,自從踏入成人社會,大家又點會唔明?
 
然後每日冤冤相報,妒忌他人,曼聯晉級,你又唔係PSG球迷,其實關你乜事?
 
香港地,工作忙,家庭忙,有時間關心身邊嘅屋企人,做開心嘅事,唔好將注意力放喺明明唔關你事嘅嘢到,如果你嘅開心來自傷害他人,我祝你早日有報應,自取滅亡啦!
 
羅碧芝 Facebook Page
www.fb.com/gigilawpg
IG: gigilaw1113

COMMENT