2019/03/15

踐踏老公工作嘅女人要嚟都晒氣

Sad couple having an argument
 
網上資料圖片
 
當一個男人好努力做嘢,嚟自嘅動力通常都分為兩種,一係好愛身邊嘅人(家庭/老婆/仔女),每日都好盡責咁番工,嗰一份動力嚟自有個你好愛嘅女人,你想賺多啲錢想佢開心,唔係要買好貴嘢!純粹喺有限度嘅情況下,俾到你最有能力付出嘅嘢佢!食好少少,得閒買吓小禮物。成件事可以好溫馨,每日都好有動力衝衝衝!
 
另一款係被迫地衝,你女人日日嫌你唔夠努力,覺得你廢,成日俾說話你聽,詆毀你嘅工作,睇唔起你要捱,問你做乜加班,點解拎嘢返屋企做?做咩你做極都做唔完?係咪你工作能力有問題?一連串比起你老闆更批判性嘅說話,返到屋企都仲要聽!
 
不特止,仲要寫上網,講到你嘅工作影響家庭和諧,真人版有(點解嘅)女歌手,呢啲嘢真係見怪不怪,成日見到好多男人放工後都仲要受身邊嗰個言語式轟炸,真心覺得好可憐!
 
其實你無欠任何人,組織一個家庭大家一開始真係要傾清楚,野蠻嘅女人四圍都係,做任何決定前,睇清楚對方嘅性格,唔好到頭來埋怨,好多女人真係好好,但會日日發癲無理取鬧亦唔少。
 
你努力做嘢,搵到一份自己鍾意嘅工,人工由低做起,你好想努力,有朝一日成功,你了解唔好一步登天,點知佢都覺得你廢,吓吓要你搵大錢嘅女人,其實究竟佢愛你嘅錢?定愛你個人?
 
如果你搵到一份有興趣想發展嘅工,人工開頭未必太好,你會唔會為身邊個潑婦放棄?我勸你搵過個啦!無嘢重要得過搵一個價值觀相似嘅女人做你最大嘅避風港!
 
羅碧芝 Facebook Page
www.fb.com/gigilawpg
IG: gigilaw1113

COMMENT