2019/03/22

「死港女」特質

10173758_709416-1
 
網上資料圖片
 
如果你係有錢二世祖,唔洗睇呢篇文。
 
死港女嚟講,並唔係一個女人做咗好衰格嘅事而命名為死港女,做衰嘢多數叫死八婆!而死港女我個人認為係土生土長香港女仔但擁有極度公主病性格嘅一種稱呼。
 
我發現而家好多女仔都有死港女病,但往往佢哋都會嫁得出,不過又好快會離婚,死港女一定有佢嘅支持者,中完伏然後頂唔順搞到離婚收場就係故事下集開始,有幾多巴打中過招?有幾多人後悔娶咗死港女?
 
咁不如喺未中招前先研究吓,「死港女」特質,先留意佢哋一定唔會做家務,因為由細到大,佢屋企有無錢都好,呢類女仔係天生唔鍾意做家務,天生鍾意被人服侍,佢寧願間屋亂過亂葬崗佢都唔會想執,總知呢類出街著得花姿招展,屋企又亂過狗竇嘅人,你諗吓娶咗佢,同佢生個仔出嚟佢會唔會照顧?你唔好以有錢請工人大晒?仔女係要耐性教,本身都咁依賴人,其實點樣教好小朋友?點樣幫你持家?
 
而死港女往通常外表靚,好名牌,寧願爭人錢都要買名牌,得閒就扮高級去high tea,放堆飲紅酒呀!去高級會所玩嘅相呀!生活完全唔貼地,死港女會陪你玩盡所有高消娛樂,佢都深明做有錢人嘅女友會被玩厭,所以會用盡最短時間氹你買盡所有貴嘢!如果你白手興家,努力咗幾年算搵到吓錢,千奇唔好中計,以為識咗個有品味嘅女仔,帶出來會好威呀!識著名牌代表好,娶老婆,內涵最重要!
 
頭先話故事下集,多數男仔開始搵到錢想娶個靚女展開人生新一頁時,就發現賴晒嘢!原來個死港女性格難頂兼淨係識幫你洗錢,你唔係含金鎖匙出世諗住玩女人,你都係諗住想娶個靚少少嘅女仔,諗住威威,點知最後頂佢唔順搞到離婚仲話要打官司搞到你一身蟻。
 
最後死港女好快搵到第二條水魚而你仲要俾贍養費,你好後悔點解唔睇清楚就結婚,好似俾鬼迷咁,突然有一刻醒咗,你發現好似發咗場夢咁,呢個惡夢好彩係幾年,唔好彩,一世。記住,玩還玩,玩夠想娶老婆時,無論你幾有錢,死港女都唔會係好選擇!香港仲有大把好女仔等緊你!
 
羅碧芝 Facebook Page
www.fb.com/gigilawpg
IG: gigilaw1113

COMMENT