2019/07/13

搵暑期工要小心

sksinn20160524113_1024
 
圖片來源:經濟日報
 
每年暑假都好多年青人搵暑期工,我自己細個搵暑期工就會搵將來唔會做嘅行業,想見識更多然後日後可以企多啲喺人哋立場諗嘢,唔同嘅職業都有值得尊重嘅地方,唔同職業都有工作中嘅難處。
 
因為我嘅興趣係運動,所以我好細個已經諗定要做一啲關於運動或會成日郁動嘅行業,所以我趁揾暑期工確定一吓自己嘅方向,就試吓搵大機構嘅飲食集團或穩陣眾所周知嘅公司零售嘅工作試吓,仲記得做過薄餅店侍應,因為做薄餅需時,所以有客人會無耐性,態度惡劣搵侍應出氣,當時細細個只會搵上司處理,但內心都唔會好受。自此去食嘢,就算等得耐都只會好聲氣問清楚有無落單,鬧個侍應真係無補於事,人哋一日做十幾個鐘,都好攰,鬧嚟鬧去傷和氣真係激親自己又無用。
 
但搵暑假工都要小心,唔好貪搵快錢,男男女女都好,我雖然無試過有事,但都聽過有人做酒吧搞到惹上官飛一身蟻,有學生試過幫人送一包紙巾包住嘅嘢俾人,一直袋住唔記得,點知世事就咁唔好彩,警員搜身就被告藏毒了。
 
然後又有人幫人帶電話貨過關,原來運毒都唔知,又被人捉到又要坐監,大好青年因爲好人,善良,想搵暑期工錢就變成一個犯罪嘅人了。
 
所以就算做暑期工小錢,當拎吓經驗,見識一吓唔同機構嘅運作,識到唔同學校嘅朋友仔,見識多咗都好好啦!大家千祈要小心唔好中暑期工陷阱呀!
 
羅碧芝 Facebook Page
www.fb.com/gigilawpg
IG: gigilaw1113

COMMENT