營養補充劑
營養補充劑 Ergogenic Aids
身邊有啲玩健身嘅朋友都有服用營養補充劑(奶粉)嘅習慣，但係我地應點去選擇適合自己嘅營養補充劑呢?
市面上林林總總嘅營養補充劑多分為幾類:
-特殊蛋白質配方 Specialized Protein Formulas
呢種係乳清蛋白水解物，所謂”乳清蛋白水解物”即係牛奶蛋白中的乳清部分，獨立同部分已預先消化，促進正常蛋白合成，有利於運動負荷大或限制飲食嘅運動員。
呢種營養補充劑已包含我地日常所必需嘅氨基酸，而且來源充足，所以成為市場上蛋白質補充品嘅主流，都成為好多增肌運動員、健身人士嘅最愛，適合在訓練前或結束訓練後馬上服用。
-支鍵氨基酸 BCAA
呢種營養補充劑係由一群日常必需的氨基酸所組成，佢可以係我地做多於2小時運動嘅情況下產生能量。
支鍵氨基酸可減低”色氨酸(Tryptophan)”， 而減低色氨酸即可延緩疲勞感覺，而服用BCAA都建議配合碳水化合物使用，因同樣都可延長運動嘅持久力。
-磷酸肌酸 (一水化物) Creatine Phosphate (Monohydrate)
呢種營養補充劑能提高我地肌力同爆發力，呢類營養也可在肉類、魚類中找到。佢可以幫我地重複利用三磷酸腺苷(ATP)以維持力量，減少由無氧分解作用所產生嘅能量，從而減少磷酸(PCr)嘅消耗，促進密集型運動嘅回復，所以很適合用於舉重、健美、短跑、游泳、踏單車、踢足球、排球等運動員。
*此營養補劑暫時未有研究證明長期服用高劑量會帶來副作用，但服用呢種營養補劑期間應停止咖啡因及需要攝取碳水化合物，幫助磷酸肌酸的攝取同儲存。
-肉鹼 Carnitine
呢種營養補充劑能促進粒線體對燃燒脂肪產生能量、節省糖原、提高肌耐力同延緩疲勞感，但係無研究顯示肉鹼可減少體脂。
肉鹼對於高強度有氧運動、限制熱量攝入、體內生物合成力較低嘅運動員更為有效，適用係鐵人三項運動，即係游水、馬拉松同單車等耐力性運動，因為長時間嘅運動，係以脂肪為能量作主要來源，而燃燒脂肪後能為我們提供源源不絕嘅能量!
此外我地亦可係雞、牛、羊、豬、鴨、魚類、蛋類、蝦、蟹、大豆類及黃豆類中攝取蛋白質去幫助增加肌肉的呢。
想知更多體適能資訊可到我的 Facebook Page “高級私人教練 Jerry Liu ”
https://www.facebook.com/TrainerJerryLiu
多謝支持!
