2013/09/17
上交叉綜合症之伸展運動 1
好喇，琴日講過“上交叉綜合症”會令到一啲肌肉過強過緊，咁就要為呢啲肌肉多做伸展運動舒緩一下，嚟緊幾日我會慢慢講吓對於“上交叉綜合症”要做嘅伸展同鍛煉，敬請繼續留意我係MenClub 嘅 blog 或者我嘅Facebook Page “高級私人教練 Jerry Liu” 喇
以下首先講嘅斜角肌就係其中一個過緊嘅肌肉喇
斜角肌
由第1、2節肋骨起到頸椎位置，如果斜角肌過緊會導致肋骨上提、神經線受壓，影響活動，基本上我地日常生活經常“縮膊”就會不知不覺間令呢條肌肉過緊架喇，所以得閒就做吓斜角肌伸展啦。
斜角肌伸展
以圖片為例，假如我地想伸展右邊斜角肌(左則相反)，首先將頭部向左側傾，用左手按著右邊頭部輕輕拉下加以輔助，感覺到右邊頸側有少許拉扯，hold住約15-30秒。
呢個動作記得腰背要保持挺直，雙肩放鬆同要將雙肩拉後少少，多做可以幫助改善斜角肌嘅緊張及肩頸酸痛，就係一個字‘爽’啦！
COMMENT