前日見到 fb 有個 page 講體位分析，等我都抽吓水講吓先…

體位分析 Posture Analysis
體位分析即係去分析人們係自然狀態下嘅姿態，唔講你唔知當我地身體其中一個方塊(骨頭)移動偏離排列嘅時候，鄰近嘅方塊(骨頭)亦會向相反方向自動調節移動，以保持身體嘅重心平衡，聽落去就好似係好事，但係佢可以影響關節活動或者受損㗎!

最佳(最正常)嘅體位可以保證身體肌肉係適當嘅長度或者張力之下合理咁排列並保持有效功能，可以保持關節壓力平均並減少損傷發生嘅機會。

體位分析可分為靜態及動態兩種，我地係時間充裕嘅情況下一般都會用靜態站姿來做分析。
靜態嘅分析會以站姿進行，有分為背面觀(Back View) 和側面觀(Side View)，而最理想就係可以係10分鐘內完成每項分析，但我多數會係同學員做training / 熱身嘅時候靜靜咁觀察佢地嘅狀況去做分析，咁樣又可以幫大家慳返啲時間啦。

體位分析係想搵出造成問題嘅原因是否與運動有關、有無肌肉唔平衡、點利用體適能訓練來解決問題等，但係留意體位分析並唔係應用係診斷人嘅任何狀況，只係觀察，用作設計訓練用，當然分析並唔能取代任何醫學檢查啦。

下次我地再講吓點為止係正常嘅人體位置，唔駛諗喇，依家現代社會你我梗會有幾樣唔正常嘅狀況跟身嘅……

想知更多體適能資訊，敬請留意我MenClub嘅Blog或者我嘅Facebook Page “高級私人教練 Jerry Liu“，多謝支持!!

體適能運動資訊 個回應 | 3,603 個已瀏覽 |