2013/10/16
認識一吓我地嘅神經系統
之前睇咗咁多運動上嘅示範，今次講返啲抽像少少嘅嘢先……就係神經系統喇
神經系統係我地身體嘅控制中心同身體內溝通嘅network，係負責接收、刺激同控制我地嘅活動。
如果我地缺少咗呢個發施號令嘅control system就會影響到身體活動嘅協調性，而我地嘅中樞神經系統(CNS)包括 – 腦部、脊髓，佢地負責接收訊息，同將訊息由周邊神經系統，整理綜合一起之後再發出訊息，製造適當嘅反應，所以你有啲friend神經有問題嘅話，佢地反應慢“少少”係正常嘅……
“運動神經元” – 一個功能單位……
”軸突”負責接收同評估訊息，再由”樹突”傳送已confirm咗要傳送嘅訊息到肌肉，而我地之所以能產生活動就係由”運動單位”負責喇……
一個”運動單位”係由一個“運動神經元”同”肌肉纖維”組成，每條”肌肉纖維”只可連接一個“運動神經元”，但每一個“運動神經元”就可以連接多條”肌肉纖維”（肌肉世界都會發生呢啲咁唔公平嘅嘢架……）
我地平時所謂嘅”有幾大力”係取決於”運動單位”募集嘅數量同頻率。
運動神經被募集嘅次序首先由較小嘅運動單位開始，然後到中型嘅運動單位，最後先到較大嘅運動單位，我地可以透過”阻力訓練”去增加”運動單位”嘅募集，隨著”運動單位”的募集數量增多，所以我們變得大力咗囉。
”肌肉纖維”係出生時已有固定嘅數量，所以我們進行”阻力訓練”只可增加”運動單位”募集而唔可以增加”肌肉纖維”嘅數量嘅。
想知更多體適能資訊，敬請留意我MenClub嘅Blog或者我嘅Facebook Page “高級私人教練 Jerry Liu“，多謝支持!!
COMMENT