大家係之前嘅post都見到我會用橡筋帶來做exercise，其實阻力橡筋帶係咩來嘅呢?

阻力橡筋帶 Resistance Band
之前有提過可以利用一啲小工具去幫助我們進行阻力訓練(Resistance Training)

當中最方便嘅就係”阻力橡筋帶 Resistance Band”喇，適當咁運用橡筋帶做exercise除可改善肌力外亦可改善我們的柔軟度及活動力，橡筋帶有唔同顏色區分不同嘅韌性，我們可以根據返訓練嘅強度去選擇適合嘅橡筋帶顏色。

一般橡筋帶約長5-6英尺長，亦會提供一啲簡單嘅動作示範單張去指導我地點係辦公室、屋企進行橡筋帶exercise

橡筋帶彈性甚強，可承受原本長度300%嘅伸展，當然每次使用前先檢查橡筋帶有否撕裂或損壞，避免發生危險。

阻力橡筋帶在調較長度、強度及携帶方面比市面上一些手抽式嘅拉力繩(右下圖)更方便、細小、適合係辦公室、家居、戶外使用，亦可直接用清水清潔，係一個唔錯嘅選擇。

想知更多體適能資訊，敬請留意我MenClub嘅Blog或者我嘅Facebook Page “高級私人教練 Jerry Liu“，多謝支持!!

體適能運動資訊 個回應 | 5,518 個已瀏覽 |