2013/11/05

恢復及超量恢復

我地成日講操嘢”有態”同”今日無態喇”,究竟係咩嚟㗎呢?

恢復及超量恢復

Recovery&Supercompensation

是咁的,當我地嘅肌肉或者肌群係適當運動/訓練之後,會令肌肉產生適度嘅疲勞和形態功能、運動表現等等方面會有一定程度嘅下降(網上資料為”微血管破裂、肌纖維撕裂、肝醣和肌糖元耗損等現象”)。

但係我地可以通過適當嘅休息同營養補充來修復肝醣、肌糖元嘅儲存,可以使肌肉力量同形態功能等恢復到運動前嘅水平,而且仲可以係一定時間之內,可以繼續上升甚至超過原有嘅水平,稱為”超量恢復”(即係我地成日講嘅”有態”)

超量恢復嘅定義同一般嘅恢復唔同,佢必須係通過”超負荷訓練→休息→恢復”先至可以稱為”超量恢復”,而每人嘅時間係不同嘅,所以唔駛問我,呢方面係需要自己通過多次嘅循環去feel嘅。

超量恢復嘅時間同超負荷訓練嘅強度係成正比嘅,超負荷訓練強度越強,超量恢復所需嘅時間就越長,而隨住休息時間延長,又逐漸下降到原有嘅水平,如果練習嘅時候係超量恢復嘅階段進行的話,就可以保持超量恢復不會消退(即係keep住有態),並且能逐步積累練習效果,但係當你開始停落嚟嘅時候,你自己有feel吓個”態”有會急跌返落去呢-_-“

所以話幾時都要keep住操嘢呢~~

想知更多體適能資訊,敬請留意我MenClub嘅Blog或者我嘅Facebook Page “高級私人教練 Jerry Liu“,多謝支持!!

恢復及超量恢復

COMMENT