話咁快過兩日就新年喇，呢兩個星期對我嚟講真係好嚴峻…..點解??
因為呢兩個星期班班friend都搞團年飯，啱啱我又進行緊”10星期訓練計畫”，食完幾十餐團年飯咪又囤積返幾十両脂肪囉….
不過一年一次無計啦…..唯有餘下落嚟嘅訓練再加量同加多一個星期啦XD

講到新年相信個個都離不開會食年糕呀、蘿蔔糕呀、油角、煎堆之類，你地又會問我點食先唔肥…….唔駛問啦，所有油炸食物內裡都藏有大量嘅油同脂肪，而上天係好公平嘅，佢唔會浪費你鯨吞脂肪嘅一番心機，所以脂肪入到我地體內係優先儲存成為脂肪先嘅，當你想用脂肪嚟做能量嘅時候，sor x ry~~佢嘅priority係最低嘅，不過都一定係要做帶氧運動先可以有效咁用脂肪做能量，所以大家plan緊去邊度利是之餘，都要plan下幾時開操喇，記得做帶氧運動同加埋阻力訓練先有好嘅消脂效果㗎。

係呢度同大家祝大家身體健康!!心想事成!!!

想知更多體適能資訊可到我的Facebook Page “高級私人教練 Jerry Liu”，多謝支持!!

體適能營養資訊 個回應 | 4,305 個已瀏覽 |