過完個肥年，相信又係大家唔敢企上個磅嘅時候喇，唔敢企還唔敢企，但係都係時候開操喇，我仲大鑊啦，等我分享一下過年後嘅修身小貼士，大家一齊努力啦！

1)循序漸進
停咗一陣子運動，好多肌肉、肌力、耐力都會流失，唔好諗住一步登天去返節日前嘅level，比幾日時間去適應返先。

2)要食飯
節食減肥係我成日叫人唔好做，但成日都有人做嘅一個嘅環節。
簡單講句，唔食飯係比唔到能量你做運動同消脂嘅，同埋你節食減嘅係肌肉唔係脂肪，同埋係你節食之前你問下自己你可以唔食嘢到幾時，識得食就唔駛節食啦，that’s all

3)要飲水
有人上網睇到有啲運動員話減磅唔飲水，大佬呀！人地係為咗過磅輕啲先唔飲水咋。
飲水都係運動過程中重要嘅一環，運動時適當補充水分可以幫助身體訊息嘅傳遞，唔會吽吓吽吓咁。
你做完運動唔飲水，無錯係輕咗，但係果個只係你流失咗體內水分嘅重量，而唔係脂肪呢。

4)要休息
有人由平時無做開運動變到連續十幾廿日係咁跑步做gym，無錯真係好多方面都improve咗，但係肌肉嘅修復同體能嘅進步都要有足夠嘅休息先可以有更高層次嘅提升呢。

5)揾人陪
揾個partner一齊做運動係一個好好嘅推動力，另外當然係選擇返自己有興趣嘅運動啦。

好喇講住咁多先，大家一齊嚟開操喇！

想知更多體適能資訊可到我的Facebook Page “高級私人教練 Jerry Liu”，多謝支持!!

體適能運動資訊 個回應 | 4,492 個已瀏覽 |