Functional Training

琴日係share咗一條關於”functional training 功能性訓練”嘅link，” 功能性訓練”可能大家近年聽就聽得多，亦有好多訓練係打住functional training嘅牌頭，但係”功能性訓練”究竟係咩呢?同我哋平時做training有咩分別又或者對我地日常生活有咩幫助呢??

“功能性訓練”呢個名我都係上年係北京參加cool trainer大賽時才開始接觸嘅，功能性訓練大師JC Santana 簡略地解釋了一吓“功能性訓練”嘅意義，舉個例……

大家平時不停咁操老鼠仔(二頭肌)、深蹲等，自覺自己好大隻，但係當你要”推動”一個雪櫃時，你會發覺好有難度，因為係你日常要”推動”物件時，你平時操開嘅肌肉並無參與係其中…..所以話functional training係要令我地係操嘢之餘仲可以幫助到我地日常生活中、工作中嘅需要、當然仲有嘅係令一啲受傷或手術後嘅身體能回復到一定水平。

“功能性訓練”主要係模仿我地生活需要做嘅“項目”、工作需要去設計，訓練出來嘅效果先係首要，工具只是其次，人人訓練目標、需要唔同，有啲要耐力、有啲要力量、有啲要反應、有啲要協調性等……所以並唔係話邊一種工具訓練出來嘅先叫“功能性訓練”。

呢一點同上次提及到教練比個Bosu你就話練平衡力一樣，你想想你真係有咁嘅需要？
大家想係做運動之餘仲可以提高你嘅生活、工作能力，不妨同你個教練溝通吓吖。

**想知更多體適能資訊可到我的Facebook Page “高級私人教練 Jerry Liu“ ，多謝支持!!

體適能運動資訊 個回應 | 3,953 個已瀏覽 |