吸先??定呼先???

上堂嘅時候見到唔同嘅學生都有唔同嘅呼吸節奏，有啲鍾意用力時吸氣、有啲呼氣，仲有啲會閉氣o忝，究竟進行緊訓練嘅時候邊個階段吸氣?邊個階段呼氣??閉氣又如何呢???

係上教練班嘅時候導師都有就呢個問題講解過，而我自己係一啲網站亦都有睇過有關嘅講解……

1)做訓練用力時呼或吸無一定嘅對與錯，假如做緊一組exercise(以圖片為例)，我舉起啞鈴時係呼氣嘅話，我就最好成set都係keep住用力時呼氣呢個pattern，唔好話一吓用力就呼氣，下一吓就用力時吸氣，而呼氣應該係一路上一路呼，唔係上到去先呼晒出嚟。

2)係我以前學打泰拳嘅幾間拳館佢地都係教用力時呼氣嘅，而不綸果一拳大力與否都應該呼晒度氣出來，咁樣可以令你換氣換得好啲，唔會疾住疾住，同埋用力時呼氣會令力量發揮得大啲，呢一點我係報章上面都有睇過一啲研究話用力時呼氣或哎出嚟真係對出力有幫助。

另外呼氣時腹部嘅收縮，可以增加脊柱嘅穩定性，減低受傷機會。

3)最近有研究發現，如果用力時吸氣，因為肌肉用緊力，會對腹腔同胸腔產生壓力，令到血壓係短時間之內飈升，大量靜脈受到擠壓，回流心臟時受阻，長時間用呢種呼吸模式可能會頭昏或昏倒。

4)用力時閉氣會令血壓飈升得更勁!!所以呢種方法唔好用喇。
*但係可能唔同嘅運動有唔同嘅模式，當然最好請教返你地跟開嘅教練啦~

**想知更多體適能資訊可到我的Facebook Page “高級私人教練 Jerry Liu“ ，多謝支持!!

體適能運動資訊 個回應 | 2,556 個已瀏覽 |