2014/09/26

長者與運動

10685513_704301536320211_1558850892913378019_n

長者與運動
有好多學生傾計嘅時候都會問我:「我Daddy/Mammy 6X歲可唔可以做運動呀?」

以一個無做開運動嘅長者為例:
隨住年齡增長身體肌能下降、視覺、聽覺、觸覺、骨質密度、肌力、柔軟度等都會下降。
講到骨質密度減少,女性更會比男性流失得更快,如果下肢肌力較弱就容易跌倒,雖然我哋成日會叫啲friend”跌倒”,但係跌倒其實對任何年齡層嚟講係可大可小㗎,因為跌倒斷大髀骨嘅死亡率係好高呢!所以對長者係訓練平衡力及下肢肌力方面會較為著重一啲,而有一個point係幾值得留意嘅,年長嘅人有一定嘅脂肪量係一件好事嚟,因為跌倒嘅時候可以減低骨折嘅風險。

 

係唔同年齡層嘅訓練方案都唔同,對長者嘅訓練方案唔需要太過進取,一切都要慢慢來,目標都係主要係keep到無繼續退化為基本,希望透過訓練令佢地減少跌倒嘅次數或唔再跌倒,所以佢哋嘅訓練強度或休息時間方面都同其他年齡有分別,當然長者都可以進行負重訓練,但係要留意一吓佢地嘅打針位唔可以舉得太重呀。

 

因為心理影響,面對一啲唔太願意做運動嘅長者,要多一啲鼓勵佢地、比個目標/欲望佢地,令佢地知道訓練嘅重要性,當然最緊要係選擇一啲佢地自己有興趣嘅運動啦。

 

雖然我地隨住年齡增長身體機能亦同時下降,但係只要配合適當嘅訓練方案,不論咩年齡都可以做運動嘅,最後就係要留意佢地做運動時候嘅面部表情,有咩唔妥就要停喇。

 

最後,小弟最近玩咗個 adidas x Street Workout – push up variations 嘅挑戰

有無諗過掌上壓都可以咁玩
若你發覺你做開嘅掌上壓已經無咩難度,不妨係中間加插一啲動作去加強難度,挑戰自己、信自己,成就無窮可能。
你怯,只因你不相信、怯就會輸一世~~去片!!
adidas x Street Workout – push up variations

**想知更多體適能資訊可到我的Facebook Page “高級私人教練 Jerry Liu“,多謝支持!!

COMMENT