2014/11/20
Body Weight exercise可唔可以練大隻？
Body Weight exercise可唔可以練大隻？
之前有朋友同我講平時無時間去做gym，只係屋企做一啲body weight嘅exercise咁可唔可以練到好大隻呢?
Body weight exercise係好方便可以做到，我地以push up為例，假如每次做20吓，係訓練嘅初期可能有好顯著嘅效果，姐係個胸比之前大咗啲啲，但係一段時間之後我地可能要加到每次做30吓先再有啲效果睇吓，咁你就會諗，想再谷大啲咪每次做40-50吓咪得囉……
咁又唔係喎，根據我之前買果本”鍛鍊肌肉大事典”裡面提到，當我地訓練做到30次以上嘅push up嘅時候，再谷大胸大肌嘅機會就好少，只會係耐力方面有所進步，假如我地恆常咁做30吓push up，之後想再將肌肉量增加的話，可以試吓”慢速訓練”，即係將成個動作嘅速度慢慢嚟做，之前我都有一個post講過呢類訓練可以再增加對肌肉嘅刺激，但係真係會難做啲同較容易有乳酸積聚，咁你又會問點樣先可以再將肌肉增大呢?
我地撇除吸收蛋白質方面先，另一個決定肌肉生長嘅要素就係增加對肌肉嘅負荷，即係加重量啦，所以我地做body weight training到一段時間之後想再令肌肉肥大就要開始借咗工具例如啞鈴去幫助喇，又以push up為例，如果你連做push up 10吓都未能勝任時，你就係body weight training令肌肉肥大方面仲有進步嘅空間嘅。
但係不論body weight,free weight 都各有各嘅好處嘅，無話一定邊樣好邊樣唔好，恆常運動咩嘅訓練模式都要不停轉換吓比啲新刺激肌肉先得嘅。
**想知更多體適能資訊可到我的Facebook Page “高級私人教練 Jerry Liu“，多謝支持!!
COMMENT