跳繩呢家嘢相信人人都知係咩，細細個上PE堂阿sir叫跳繩就會死跳爛跳咁好快就會累，以前去打拳時啲泰仔會跳繩嚟做熱身，起初都好唔慣，但係有個師兄教我地要慢慢嚟，一隻一隻腳嚟跳，咁樣會順好多，自此之後跳繩嘅時間同協調性真係改善咗。

呢個星期studio多咗條跳繩，我又開始重拾返呢樣活動，跳繩人人都知係咩，不過就唔係人人都會做、又唔係人人都知佢嘅好處……

跳繩係一種對減肥好有效嘅運動、老少皆宜，對鍛煉心肺、身體協調性、準確性、靈活性同耐力都好有幫助，講到跳繩技巧都五花百門，簡簡單單嘅跳法所消耗嘅卡路里同慢跑不相上下，所以話唔好睇小條咁嘅繩，無時間出去跑步，跳繩都係一種唔錯嘅選擇嚟㗎。

今日得閒梗係又跳吓繩喇，係片中我玩咗4set 30秒慢，然後10秒快嘅跳繩….連NG都跳左成20 set，唔好睇好似好輕鬆，其實我已經汗流浹背喇!

 睇片啦!!

**想知更多體適能資訊可到我的Facebook Page “高級私人教練 Jerry Liu“，多謝支持!!

體適能運動資訊 個回應 | 13,217 個已瀏覽 |