2015/06/01

運動要持之以恆

11289174_837930609623969_3329135252303213225_o

有好多人成日都問:Jerry 我想減肥/練大隻/練好體能準備考試,1個月得唔得?
當然我都知大家都好心急想達到自己嘅目標,首先你要知道不論肌肉或脂肪都要用時間儲返嚟嘅呢,係你用長時間儲存返嚟嘅脂肪,卻想係短時間內消除會唔會有啲太唔實際呢。不論減肥或練大隻其實都係要運動配合飲食同休息先得㗎,而且人人基因、生活模式唔同,網上好多名人、藝人嘅方法都未必啱你,一個唔好彩仲可能會整傷自己身體o忝。唔好成日諗住走快線,人嘅週期約為8-10星期,並唔係話做咗幾次gym就即刻有嘢睇,就算做完幾個月已經瘦咗少少/大隻咗少少/體能好咗少少都唔好以為以後都係咁,我地嘅肌肉係會不停咁流失㗎,所以運動係要keep住做先得呢。

亦有啲朋友會問一星期做一次運動夠唔夠?你可唔可以幫我諗掂佢….
朋友呀,跟據美國運動醫學學院(ACSM)嘅指引,每星期都要做3至5次嘅帶氧運動啦,所以你話一星期1日夠唔夠呢?仲有要配合重力訓練呢,而且訓練要到一定嘅強度先得,並唔係落到gym room 輕輕推幾set就有效果呢,唔同嘅肌肉都要由唔同角度、唔同exercise、唔同嘅重複次數同組數去鍛鍊先可全面咁鍛鍊到佢地,而且訓練方法、方案都要定時檢討、調節,訓練係唔可以一成不變㗎。
亦有朋友同我講係香港做運動係一樣好奢侈嘅事嚟,一來無時間、二來太多嘢好玩過運動,去到最後一刻驚覺自己太肥或要出席一啲場合先嚟做運動減肥/練大隻/練好體能,咁倒不如立即行動定下目標做運動,一直keep住有好嘅體魄為將來做足準備,而唔係再問”幾耐先得”呢類問題呢~

**想知更多體適能資訊可到我的Facebook Page “高級私人教練 Jerry Liu“,多謝支持!!

COMMENT