2015/06/27
Workout必備partner
今日睇到HealthyD有個專題係關於”5大workout 最佳拍當“，當中講嘅2XU壓力褲我、2XU時尚上衣我有、訓練鞋我有、耳機…曾經有過、運動手帶我無
講到壓力褲，係我嘅leg day前後都一定會著，因為我最怕練完腳當晚同之後幾日都會腳軟，佢標榜壓力加快血液回流返心臟嘅速度加速肌肉復原，所以我係呢方面對佢地投下信心嘅一票。
另外講到workout嘅partner又點可以少得水樽呢! 呢樣我都有~
適時飲水對做運動都有一定嘅重要性，我上堂嘅時候都會每隔10-15分鐘就會提一提學員們要飲兩啖水，起初大部份都會覺得好奇怪，明明我都唔口喝做咩要飲水呢?
係咁嘅，因為水佔我地人體重量嘅60%，我地每日起碼都要飲約6-8杯水，不論係運動前、中、後都要飲水補吓，飲水除咗補充我地身體嘅水分外，佢同食物一樣都可以延遲疲勞感，另外就係可以幫助我地身體訊息嘅傳遞，令到我地集中到做運動，有研究指身體每少1%水分，運動嘅速度都會隨之減慢2%。如果我地做運動時到我地感到口喝先飲水的話，可能已經算遲喇!!
所以係運動嘅時候記得定時飲水呀!
所以係運動嘅時候記得定時飲水呀!
講到水樽我不得不show吓我呢個係美國買返嚟、等咗成兩個星期先寄到嚟嘅水樽
個水樽有咩特別要等兩個星期都等??
//
我覺得好有創意嘅一個水樽，個老闆好似係Kickstarter度進行專案籌集資金搞㗎!第一次用go pro拍嘢，啲角度唔係咁好……
Posted by 高級私人教練 Jerry Liu on Thursday, June 25, 2015
COMMENT