大家有無發覺訓練到一段日子嘅時候，不論訓練效果或本身嘅集中度都無乜大突破，日日去到gym room好似例牌流程都係咁，咁大家有無諗過係時候轉換一吓你地嘅訓練菜單呢?

要進步不礙乎繼續令肌肉產生唔適應，適時轉換訓練菜單係其中一種做法，可能你會話我去開嘅gym room得果幾樣訓練工具，咁點算呀?轉換其實都唔一定係話動作要換嘅，你亦可以試吓將訓練動作先後次序、闊窄手、正反手等轉一轉，除此之外仲可以試吓係速度上改變一吓，例如頭兩個星期係均速訓練、下兩個星期轉做慢速訓練。

講到慢速訓練，即係由動作開始到動作完成都比平時再慢啲，佢對肌肉嘅刺激亦會更大，大家得閒都可以試一試，例如將訓練節奏由1、2、3、4變到1、2、3、4、5、6(甚至更慢)…但唔好話我唔提你，當大家轉做慢速訓練嘅時候選擇一個比平時輕好多嘅重量去做，如果唔係會好慘烈…..亦唔好將平時訓練嘅重量同次數作比較，反而著係重肌肉刺激嘅感覺，如果速度控制得好你會發覺慢速訓練雖然輕過平時訓練，但係所出嚟嘅肌肉感覺同辛苦程度不下於你平時嘅訓練㗎!

我之前都有做一啲均速訓練，然後轉著重離心收縮訓練，個星期又開始轉做慢速訓練，轉一轉新嘅訓練模式比啲新刺激自己同肌肉，做慢速訓練嘅時間會比平時長咗，但係你會feel到 啲肌肉更快會有㷫㷫地、漲漲地、實實地嘅感到，不過慢速訓練真係令我成身都好”冤”、”冤”得嚟又好high…..我今日練完胸，個胸”冤”到飛起之餘開始feel到兩隻手遞唔起XD

**想知更多體適能資訊可到我的Facebook Page “高級私人教練 Jerry Liu“，多謝支持!!

體適能運動資訊 個回應 | 23,045 個已瀏覽 |