有朋友問如果做完gym無肌肉酸痛就等於無效果嗎?
我地做完gym之後嘅遲發性肌肉酸痛 (DOMS)，一般會係我地做完運動之後嘅12-24小時開始出現，係24-72小時呢個時段亦係酸痛嘅高峰期。遲發性肌肉酸痛大多數人都會認為係乳酸聚積而產生嘅痛楚，但又有研究顯示為有參與運動嘅肌肉細胞有微損嘅結果。

至於訓練係咪一定要有酸痛先有效果，個人而言兩者關係不大，遲發性肌肉酸痛嘅出現多數會係大家改變新訓練菜單、初期做運動或作離心訓練時出現，當然仲有好多因素都會有遲發性肌肉酸痛。

咁當有遲發性肌肉酸痛嘅時候需要停止訓練嗎?
遲發性肌肉酸痛通一般都會持續3-5日，亦都會係我地運動嘅時候慢慢減輕，如果酸痛係輕微的話可多做一啲伸展或做一啲輕量啲嘅運動去舒緩痛楚，但如果肌肉酸痛較嚴重就可能要減少或避免運動，無謂係運動時產生受傷嘅危機，另外係運動前後都要做伸展呀!!

**想知更多體適能資訊可到我的Facebook Page “高級私人教練 Jerry Liu“，多謝支持!!

體適能運動資訊 個回應 | 47,741 個已瀏覽 |