我地成日都聽到身邊嘅朋友講要減肥、減肥，不論咩身形都覺得自己要減肥，個個都覺得脂肪過高，咁大家又有無諗過脂肪過低對於我地又有咩危害呢?

以一個男性為例，一般健康人士體脂約在12%-18%之間(女士為16%-25%)，重要體脂為3%-5%(女士為11%-14%)，亦意味住約脂肪低於5%已被視為健康狀態較差嘅警告。

1)      體脂過低會影響到心血管正常功能，可能會導致我地出現頭暈、昏厥同心臟驟停嘅情況出現。

2)      脂肪嘅儲存即係能量嘅儲存，若果無晒體脂亦即係無能量嘅儲備，係我地平時鍛鍊大約20分鐘後，身體嘅碳水化合物可能就已經用得7788，呢個時候脂肪就出場喇，如果脂肪率過低咁亦會對我地成日講嘅運動表現有所影響。

3)      雖然脂肪唔係個個都鍾意，但係佢卻可以用來為我地嘅身體同器官保暖。

4)      脂肪除可以用來為我地身體同器官保暖外，亦可以保護我地嘅骨骼，若體脂含量過低，就會妨礙人體正確吸收同利用鈣質、維生素D嘅能力，咁就會導致骨質下降，增加患骨質疏鬆嘅風險。

所以體脂過低或者過高對身體都唔係一件好事，大家係呢個係又話減肥唔係又話減肥嘅年代，都需要了解到自己身體嘅狀態先去策劃自己嘅運動方案。

 **想知更多體適能資訊可到我的Facebook Page “高級私人教練 Jerry Liu“，多謝支持!!

體適能運動資訊 個回應 | 17,034 個已瀏覽 |