2015/12/16
計熱量減肥點解越減越肥?
計熱量減肥點解越減越肥?
相信有不少減肥嘅朋友都會幫自己計吓每日所需嘅卡路里，計數咁計攝入少於消耗就一定無錯啦，不過有無發覺有啲朋友仔成日都話自己少於每日所需嘅卡路里但又唔見佢瘦咗去邊，有啲甚至有體重增加嘅跡象呢?
其實係咁嘅，我地係了解食物嘅熱量數字之餘亦另外就係要睇吓蛋白質、脂肪、纖維嘅來源先去評估該食品嘅好與壞。例如一包6塊全麥餅熱量約120千卡，而14粒無鹽nuts熱量約有185千卡，但係nuts有不飽和脂肪酸可以大大降低大腦嘅飢餓感；相反全麥餅嘅碳水化合物較容易消化而產生飢餓感，所以就算nuts嘅熱量較高佢對減肥嘅效果會比熱量較低嘅餅乾好。
而我發覺有啲減肥朋友嘅餐單裡面，為求可以食一餐快餐店而skip咗其他一兩餐，就如上面所講，我地只係盲目地計熱量嘅攝入唔無用㗎。假如我每日嘅熱量需求係2800千卡，你估我一日淨係食三餐快餐店而唔食其他食物，而熱量攝入亦少過2800千卡的話，我會唔會瘦呢?
脂肪同肌肉一樣都係儲存返嚟嘅，如果你平常有控制好飲食、恆常運動同有足夠休息，偶然一次嘅放縱有唔駛驚到唔食幾餐嘅，各位減肥嘅朋友係計熱量之餘亦都要留意吓佢地嘅來源呀!!
**想知更多體適能資訊可到我的Facebook Page “高級私人教練 Jerry Liu“，多謝支持!!
COMMENT