相信有好多朋友為咗打造一排漂亮的腹肌、人魚線都會做捲腹(Crunch)動作，但其實要打造一排靚靚嘅朱古力，除需要鍛鍊腹直肌外，亦同時都需要鍛鍊到腹內外斜肌、肌橫肌等，再配合控制飲食減低身體脂肪率令到腹肌更加明顯。

黎緊我地會介紹一啲捲腹以外嘅腹部動作，等大家參考以不同動作、不同方向去打造出一排靚靚嘅朱古力。

 今日介紹嘅動作係：跪地後仰

動作：先跪在軟墊上，膝蓋分開約盆骨闊，將藥球放在胸口前身體挺直，然後將上身慢慢向後傾，而臀部保持收緊向前，留意不要坐在腳跟上，維持２至３秒，再回到原來位置並重複。

下次會再同大家介紹第二個動作，敬請繼續留意。