好多人都唔知道硬拉對於睾酮刺激效率係最高，甚至超過了深蹲！

好耐好耐之前都有提及過睾酮對人體運動嘅作用係何其多，對健身嘅朋友來講，睾酮對肌肉增長最為重要。睾酮通過指揮身體的運輸系統將氨基酸、糖等物質運輸到肌肉進行修復、合成、加固讓我們的肌肉增長，簡單啲講睾酮係肌肉增長、減脂嘅加速器。而硬拉對於生長激素、瘦素的合成也具有非常大的刺激。

但是硬拉所需的力量、技術都要比臥推同深蹲高。硬拉分為兩大類，第一種標準硬拉又叫屈腿硬拉，整個過程除了上身從傾斜變為挺直外，還需要完成一個由蹲下到起來的過程，可以講得係一個用到全身好多肌肉的動作；而另一種為羅馬尼亞硬拉(直腿硬拉)呢款硬拉的特點在於臀部及大腿後側發力較大，膝蓋彎曲幅度最少。(當然還有好多款不同站距嘅練法)

做硬拉一定要注意從準備姿勢開始到完成動作腰部都要保持絕對的收緊及挺直，因為一旦腰部的力量有所鬆懈，會令脊柱被重力壓彎，有好多人因而出現腰椎間盤突出的狀態。

講到硬拉動作，除咗用杠鈴做外還可以利用啞鈴硬拉、架式硬拉、壺鈴做硬拉動作等。

硬拉如何刺激睾酮分泌?

訣竅在於大重量，大重量嘅硬拉對於睾酮的分泌非常大，但係好多時候我們的手臂力量限制令我地無法進行大重量嘅硬拉，所以做硬拉時我都會採用助力帶。

對於硬拉的安排我自己嘅訓練菜單為6-8次一組、做6-8組、組間休息1分鐘。

而休息時間可以對手臂進行伸展減少手臂疲勞。

上面講到硬拉對於睾酮的分泌刺激係非常有幫助，而正確的硬拉係刺激睾酮分泌的重要一步，希望大家係鍛鍊硬拉時可先從輕重量開始，練習正確姿態及感受肌肉感覺，循序漸進慢慢將硬拉加入自己嘅訓練菜單中，慢慢你就會睇到你嘅肌肉生長得更加蓬勃喇！

＊＊＊想了解更多體適能資訊可以Follow我地嘅 Website,FB,IG,Youtube!