蛋白質係三大營養之一，對身體十分重要，所有細胞組成同維持正常運作都需要到蛋白質。但係點先知吸收得唔夠蛋白質？快啲留意身體有冇以下7大徵狀啦！

成日覺得攰同肚餓

身體消化蛋白質係需要更長時間，所以含豐富蛋白質嘅食物飽肚感都會更強，而且蛋白質食後會更人充滿精力。

肌肉無力

蛋白質係構成同維持肌肉組織嘅重要營養，如果身體欠缺蛋白質就會難以發展肌肉，同時會分解原有肌肉黎提取蛋白質以供身體正常運作，呢個時候你就會發現成身好軟，無法發揮正常力量。

難以減肥

高蛋質食物係體內需要更多時間去消化、代謝，意味住高蛋白質食物不但令你消耗更多熱量黎分解，更能增加飽肚感減少全日總卡路里吸收，協助你控制體重。亦有研究顯示蛋白質攝取量增加到每日總熱量的3成以上，能在3個月內減輕約5KG體重。

下肢腫脹

蛋白質有助保持血液裡面的鹽和水，如果身體久缺蛋白質，體液會容易滯留在雙腳，不但睇起黎腫脹，更加會因液體滲入周圍組織而造成不適。

容易發病

身體嘅免疫系統需要合適且足夠的能量先可以發揮正常功能。研究顯示缺乏蛋白質會令體內嘅T淋巴细胞數量減少，而T淋巴细胞有助身體抵抗病菌，所以要有健康身體除左良好生活習慣之外都要記得留意蛋白質攝取量。

如果你有以上特徵就快啲計一計自己究竟係唔係食得唔夠蛋白質喇！