#改變靠鍛鍊 #堅持是關鍵

日常生活入面只要做小小改變已經可以幫到你修身同維持番良好體態，一連數篇會比番小小貼士大家去為自己做出改變。

適量飲用黑咖啡

黑咖啡唔單止可以幫到你提神，仲可以提高身體代謝，不過要留意含糖、奶嘅咖啡反而會易致肥。

選擇零食

食零食並唔一定係壞事，但前題係要識選擇。例如開心果就係一個唔錯嘅選擇，蛋白質、纖維素含量高有助增加飽腹感。另一個重點就係開心果要續粒續粒剝殼，可以減慢你嘅進食速度。

留意酒精攝取

一杯啤酒大約有125卡，會造成多餘卡路里吸收，而且身體會優先分解酒精而忽略脂肪分解，令到體脂更容易積聚。

適量攝取單元不飽單脂肪

首先要知道唔係所有脂肪都係壞人，適量攝取單元不飽單脂肪反而有助你修身減肥，單元不飽單脂肪不但可以增加飽肚感更可以降低身體內壞膽固醇含量。

避開糖衣陷阱

其實你每日攝取嘅糖份比想像中多，除左戒汽水、糖果類等垃圾食物，仲要留意白麵包、調味料、醬汁等暗藏大量糖份嘅食物，因為佢地相比汽水食起黎無咁甜，好易令你唔知唔覺食多左糖。

今日講住咁多先，如果想知道更多健康知識記得留意我地喇！

＊＊＊想了解更多體適能資訊可以Follow我地嘅 Website,FB,IG,Youtube!