瘦身小貼士(四)
#改變靠鍛鍊 #堅持是關鍵
日常生活入面只要做小小改變已經可以幫到你修身同維持番良好體態，一連數篇會比番小小貼士大家去為自己做出改變。
適量食辣
辣椒所含的辣椒素有助提高身體代謝機能，而且影響時間長達4小時。修身減肥時，不妨係餐單入面加啲辣幫幫你手。但都要留意辣椒油、辣椒醬所含嘅卡路里超高，並唔適合食得太多。
選擇較細份量零食
無可能完全戒零食？咁或者你要試試買細包啲喇！研究顯示選擇細包裝零食比起選擇大包裝零食嘅人吸收少50%熱量。咁係因為大包裝食物有時其實已經食夠，但礙於麻煩而將餘下都硬塞落肚。
高強度間歇訓練
修身減肥其實唔需要每次都操幾個鐘，反而多做高強度間歇訓練(如:HIIT)，呢種全速訓練比起均速鍛鍊消耗更多熱量。
搵埋朋友一齊操
自己一個操得耐難免會有熄火嘅一日，搵有一個同你有相同目標嘅朋友互相提點，唔單止可以更容易養成運動習慣，更可以減少操練時嘅乏味感。
訓練後不要暴飲暴食
好多人係操完之後都會諗住操得咁辛苦唔食番餐勁點對得住自己，但係好唔公平嘅係你操成個鐘消耗嘅卡路里可以係幾分鐘內吸收番。所以係運動後記得選擇番適合嘅食物，否則前功盡廢。
今日講住咁多先，如果想知道更多健康知識記得留意我地喇！
＊＊＊想了解更多體適能資訊可以Follow我地嘅 Website,FB,IG,Youtube!
==================================================
Follow us on Website, Facebook, Instagram and Youtube!
Website : http://www.stagefitnesshk.com/
STAGE Fitness Facebook : STAGE Fitness And Health Club
Instagram: STAGE_Fitness
Youtube : STAGE Fitness