#改變靠鍛鍊 #堅持是關鍵

日常生活入面其實只要做小小改變已經可以幫到你修身同維持番良好體態，一連數篇會比番小小貼士大家去為自己做出改變。

早餐要食得飽

一餐營養均衡嘅早餐對減重十分重要。早餐食得夠可以令你體內嘅飢餓激素水平降低，令到你係之後嘅時間攝取更少卡路里。

每日攝取20-30g纖維素

每日我地應該盡量多食富含纖維素嘅食物如：蔬果、麥片等。每日吸收足夠纖維素唔單只可以幫身體減走多餘體重亦都可以改善心臟健康。

戒飲汽水、加工果汁

簡單黎講汽水同加工果汁就係濃縮糖水。呢類飲品提供唔到任何營養價值比我地身體同時仲有超高嘅熱量，係造成我地肥胖嘅主要因素之一。

多食健康乳制品

乳制品可以提供大量鈣質同維他命D比身體，有助我地肌肉組織生長，提高新陳代謝率。另外，維他命D可以幫我地保留鈣質，唔單止可以強健骨骼仲可以減少糖分轉化為脂肪嘅數量。

適量攝入蛋白質

身體要消化蛋白質比起消化脂肪同碳水化合物需要更長時間同熱量，消化過程更可以增加飽腹感。但要留意蛋白質攝取過量一樣會致肥。

今日講住咁多先，如果想知道更多健康知識記得留意我地喇！

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 70,057 個已瀏覽 |

#改變靠鍛鍊 #堅持是關鍵

首先我地要知道想有效咁達到自己理想效果，開始健身前一定要根據自己目標黎設定番相應訓練。

以減脂為例，要著重中低強度帶氧訓練，同時配合重量訓練增加肌肉，提高身體代謝率，令到你減脂更為有效。

做多左運動，體重不跌反增？

係岩岩接觸重量訓練，肌肉嘅增長的確會令你體重上升(肌肉密度比脂肪高)。呢刻身體重量微微上升係好正常，千其唔好因為體重短期上升就停左運動，一定要堅持繼續運動而且增加帶氧運動次數，長期落黎就會有良好減脂效果。

明明大家做咁多點解佢瘦得快啲？

修身減脂嘅快慢因人而異，基因、代謝速度、肌肉量、年齡、體適能水平等等多如繁星嘅原因會令減脂速度產生差異，所以唔需要同人比較，只需要堅持多做運動、控制飲食、足夠休息，遲早都一定會達到自己嘅目標。緊記，每日只需要同昨日嘅自己比較就足夠。

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 69,394 個已瀏覽 |

#改變靠鍛鍊 #堅持是關鍵

市面上充斥住唔少一星期極速修身，14天練出腹肌等文章。今日會同大家講下點樣以健康方法一星期減少半公斤脂肪。

首先我地要知道半公斤脂肪係咩概念先，0.5KG脂肪含有約3500千卡熱量，換算大約16碗白飯。即係如果我地一星期要減走半公斤脂肪，每日就要少減走500卡路里。

每日500卡路里聽落唔係多，但具體要點做？

好多人會首先用極端飲食去控制自己卡路里攝取，但咁做好易令自己進入一種飢餓狀態，身體反而會將體內嘅脂肪鎖住做能量儲備，當你一食番餐勁嘅時候身體又會加強吸收同儲備定能量防止你個癲佬又再〝絕食〞一輪。呢個亦都係好多減肥人士容易反彈嘅原因之一，所以飲食係要選擇並非絕食。

運動與飲食並行

除左係飲食上面減少高油高糖食品，避免身體吸收過多唔需要嘅卡路里外，亦同時要配合番運動，少攝取250千卡（約六粒燒賣），多消耗250千卡（跑步約半小時），一星期加加埋埋就係半公斤嘅脂肪。

以上呢個健康減肥方法每個人都可以輕易做到，你仲等咩？

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 69,778 個已瀏覽 |

#改變靠鍛鍊 #堅持是關鍵

知道有咩原因令你肌肉難以增長係增肌路上係十分重要，亦係你比人操得更有效率嘅重要因素。

 做太多有氧運動

有氧運動對減體脂、維持心血管健康非常重要。但對增肌而言，有氧運動帶黎嘅好處非常少，過量有氧訓練甚至會令你流失肌肉。

訓練負荷不足

初接觸重量訓練時的確要用較輕重量調整好姿態及訓練好肌耐力維持姿勢。但慢慢肌肉開始適應便要增加重量及訓練強度，以確保肌肉保持增長。

營養攝取或睡眠不足

肌肉被重量造成撕裂後需要大量營養及足夠的休息才能修復並變得更強壯，但往往只有訓練被注重，如果你想更有效果，必須留意其餘的兩大重點。

雜亂的訓練方案

有經驗健身人士都會設立每星期的訓練方案，為左比到肌肉足夠刺激及控制好訓練強度，每次訓練的胸群不宜過多，建議每次訓練1-2組大肌群配合1-2組小肌群。

姿態錯誤

為左比到相應肌群足夠刺激，首先要確保自己姿勢及發力點正確，否則練黎練去都係食左啲力落第度，甚至因為姿勢錯誤導致受傷，錯失原有的訓練時間。

贏在起跑線

遺傳對肌肉增長起決定性作用。有些人慢肌纖維較多，增肌相對較為困難，但唔係完全無好處，呢類人玩耐力性運動表現較佳。相反，快肌纖維較多的人增肌相對容易，同時亦利於進行爆發力運動。雖然有啲人有先天優勢，但健身路上只要追求自身上的突破，遲早都會去到你的理想效果。

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 69,204 個已瀏覽 |

#改變靠鍛鍊 #堅持是關鍵

唔小人都認為操完之後肌肉無明顯酸痛就等於無效又或者訓練量唔夠。今日會同大家講下對肌肉酸痛嘅謬誤。

 酸痛感從何而來？

操練嘅肌肉酸痛分為短暫同遲發性(維持較長時間)。人體係運動後會產生代謝物 – 乳酸，乳酸會令肌肉發力受影響從而產生酸痛感(短暫)。而呢種急性肌肉酸痛會於運動後數分鐘到數小時內消退，乳酸亦會轉化為供身體運動時所需嘅葡萄糖。 而遲發性肌肉酸痛係由於肌肉細胞同肌肉纖維撕裂發炎所引致，一般係訓練後一兩天內出現，要緩解酸痛最直接的方法就是鍛鍊後多做肌肉伸展令肌纖維得到放鬆。另外可以於訓練後多補充蛋白質，令到肌纖維得到足夠營養去修復。

操完無明顯酸痛感 = 無效？

2011年美國一項研究將實驗者分成兩組，兩組實驗者都以腿部負重訓練為主。確保兩組最終訓練量都係一樣嘅前提下，第一組(小酸痛組)重量慢慢增加，第二組(大酸痛組)重量係中途突然大幅增加以營造巨大酸痛感。結果顯示，第二組雖然係訓練中受到嘅酸痛感較大，但兩組增加嘅肌肉力量同體積都非常接近。所以只要確保姿勢正確、總重訓量慢慢增加，肌肉自然會成長。

肌肉酸痛就唔做得運動？

可以係岩亦都可以係錯。首先，你要確定自己訓練方案上面比唔同大肌群有足夠嘅休息時間。其次，你要確保酸痛感唔係強烈到會影響到你嘅運動姿勢，有唔小過度訓練受傷個案就係因為操得太勁，身體根本難以維持番安全姿勢而出事。另外亦都有研究顯示，肌肉酸痛時做番低強度嘅有氧運動係有助加快身體復原，緩解酸痛。

睇完係咪對肌肉酸痛重新定義呢？記得以後唔好自虐咁追求酸痛感喇！

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 70,330 個已瀏覽 |